Dili-08/03/2024, The Asia Foundation (TAF) selebra Loron internasional feto ho tema diskusaun ohin loron nian “Liberdade no Espasu ba feto iha Timor-Leste”, tema ne’e sublina liberdade atu eziji mudansa ne’ebe fo fatin ba feto moris iha sosiedade ne’ebe asesu ba oportunidade, espresa sira an iha sosiedade sem ho tauk.
Tuir Deputy Country Representative The Asia Foundation Timor-Leste Christine Bantung iha diskursu hateten realidade ne’ebe nia observa feto kontinua hasoru obstakulu ne’ebe limita sira nia abilidade atu partisipa, iha atividade ekonomiku, politiku inklui pratika diskriminatoriu sei eziste.
“iha dezafius ne’e laran iha esperansa, feto Timor oan reliziente, rekursu, determinadu atu muda norma ne’ebe domina,no kria futuru diak liu ba sira an iha jerasaun, reclama iha prosesu foti desizaun iha uma laran, komunidade, no nasaun liu husi dezafia papel jeneru tradisonal sira” dehan Christine Bantung
Iha fatin hanesan Veronica Tilman hanesan ativista feminista no ema ho defisiente , reprezenta feto difisiente sira hateten iha nia diskursu, nia seidauk hetan feto ho defisiensia goja liberdade tuir politika nasional no planu asaun ne’ebe hakerek no implementa, ho nune nia husu governu no organizasaun sira atu internalize hodi tau iha pratika.
Veronica Tilman koalia hela kona ba Feto difisiensia nia partisipasaun
“hau atu husu katak iha ka lae ita fo ona espasu ema feto ho defisiensia sira, dalabarak feto ho defiseinsia sira hasoru violensia, diskriminasaun no hetan esklui iha komunidade no familia. Feto defisiensia hasoru opresaun iha Sistema sira tanba deit feto nia kondisaun no kbiit kiik liu, tanba ne’e sira la hetan oportunidade hodi espresa no ejerse sira nia direitu lolos, husu ita hotu tau kbiit hamutuk hodi hasoru injustisa sira ne’e” Veronica hato’o iha nia palestra iha TAF.
Hafoin seminariu Partisipante foto hamutuk ho Panelista sira iha TAF
Ho nune’e Fundasaun Asia nafatin iha komprimisiu atu apoiu esforsu hirak ne’e, liu husi programa no inisiativa, hakas an atu kria fatin seguru ne’ebe feto sira bele hato’o preokupasaun, asesu ba oportunidade ekonomiku, ezerse direito sira sem tauk ba deskriminasaun ka represaun, liu husi programa Nabilan fornese ona asistensia legal, uma mahon, no asistensia konsellu nian ba sobrevivente maizumenus nain 1.800 husi violensia bajeia ba jeneru tinan-tinan.
Tema jeral ba selebra loron Internasional feto iha tinan ida ne’e mak “Investe iha Feto no Aselera Progresu” tema ida ne’e koalia klean kona ba valor no prioridade sira. Iha seminariu ne’e feto potensail nain 5 hanesan Nurima R. Alkatiri hanesan membru Parlamenu Nasional, Dinorah Granadeiro Presidente INDDICA, Ana Paula Marçal Prez.JSMP, Angelina da Silva Diretora Asosiasaun Feto Hanoin ba Oin Maubise, Veronica Tilman Ativista Feminista, nebe koalai ho topiku espesifiku diferente, no partispa husi Organizasaun sira nebe durante ne’e Luta ba Direitus Humanus iha TL.
Discussion about this post