Jemito da Costa Bere husi Munisípiu Aileu, Postu Administrativu Aileu Vila, moris iha loron 4 fulan Maiu, tinan 1999. Hahu nia estudu primária iha eskola númeru 1 Fahisoi, iha tinan 2006, mane origem Aileu ne’e remata nia estudu pre-sekundáriu iha tinan 2014, kontinua nia Ensínu Sekundáriu iha eskola Catolica Nossa Senhora do Carmo Lequidoe, husi tinan 2015 no remata iha 2017.
Jemito nu’udar joven ne’ebé mak durante ne’e hasoru dezafíu barak iha nia moris, tanba nia hanesan oan ne’ebé mak asume responsabilidade boot ba familia tanba inan aman fahe malu desde nia sei ki’ik. Maske nune’e joven ne’e iha esperansa tebes hakarak esforsu atu halo kontente nia inan.
Remata Ensinu Sekundária joven mane ne’e iha mehi atu kontinua nia estudu iha universidsde maibé ho ekonómia ne’ebé la sustenta Jemito desidi hala’o nia servisu hanesan ajudante ba badaen sira halo uma aleinde ne’e joven mane ne’e mós servisu iha area karpinteiria hodi halo kaisaun hodi hatan ba sosiál iha munisípiu Aileu durante tinan rua hetan netik osan hodi hola nesesidade loron loron nian.
“Remata tiha sekundaria Ha’u hakarak kontinua eskola maibé kbiit la to’o atu eskola iha universidade tanba ha’u nia ama moras hela deit osan hetan husi ne’ebé susar ba ha’u atu husu osan iha nia entaun ho kondisaun hanesan ha’u mak esforsu rasik halo negosiu faan modo ha’u sei iha banku sekundariu hodi hola ami nia nesesidade uma laran”. Tenik Jemito
Moris moruk ne’e halo Jemito lakon esperansa atu asesu ba edukasaun, maibé nafatin forsa hodi luta ba moris ne’e. Inan no aman mak sai fundasi ida ne’ebé metin hodi suporta oan nia moris no estudu, maibé bainhira inan aman fahe malu, sai nakukun ba oan nia futuru, situasaun ida ne’e mak sente husi foin sa’e mane ne’e
Jemitu haktuir lakon domin husi nia aman desde otas sei kiik tanba inan -aman divorsiu (fahe malu) nia sei otas kiik aman husik hela sira na’in rua ho nia inan oras ne’e moris mesak, susar ba nia atu asesu edukasun ho di’ak, nune’e desidi hakat ain husi moris fatin fahiria mai buka moris iha sidade Dili, halo atividade negosiu nune’e bele hetan rendimentu ruma hodi responde ba nia presiza no rai balun hodi fó ba nia inan ho alin nia nesesidade.
“Nudar oan mane ha’u hola pozisaun hanesan aman hodi ajuda ha’u nia ama no alin liuhusi atividade loro-loron hanesan faan modo no aifuan sira tula ba gerobak hodi dudu la’o iha Dili laran loron ida hetan rendimentu masimu dolar 5, rendimentu ne’e ki’ik tebes. Tanba sasan hirak ne’ebé ha’u fa’an sosa fali husi ema seluk nian”. Haktuir nia
Iha tinan 2020 Joven ho idade 26 ne’e hahu fali estudu iha Dili Instituto of Tecnology (DIT), maibé tanba kbiit la to’o hodi finaliza nia estudu nune’e tinan 2021 joven mane ne’e desidi para nia eskola.
“Ha’u eskola iha Dili Instituto of Tecnology (DIT), Departamentu Mecanic too de’it semester 3, maibé too dalan klaran ha’u para tiha tanba osan ne’ebé ha’u hetan ne’e la sufsiente no senti triste tebes bainhira haree kolega sira seluk nafatin estudu ho di’ak duke ha’u”
Jemitu haktuir tan katak nia mos aplika ba vaga online ne’ebe SEFOPE liu husi Diresaun Nasional Emprego Estrangeiro (DNEE) fo sai vaga PALM Scheme online iha fulan marsu tinan 2023
Nune nia iha hanoin atu kontinua estudu, maibé sei hein lai karik Maromak ajuda hetan oportunidade ba Australia entaun fila mai bele kontinua halo hotu prosesu estudu iha universidade, karik la hetan oportunidade ba Australia entaun pasensia labele eskola ona, no nafatin fa’an sasan hodi sustenta familia
Jornalista : Maria de Rossa
Editora : Diana Soares
Discussion about this post