DILI,14/03/2023-Asosiasaun Ϳornalista Timor-Leste servisu hamutuk ho Asia Pacific Brodcasting Union (ABU) fasilita treinamentu ba jornalista sira husi média imprime, eletróniku no online inklui organizasaun balun no Radiu Komunidade Defisiénsia oinsá atu kopera hamutuk hodi kontra liafuan insulta malu no ódiu (hate speech) liu-liu iha kampaña elisaun parlamentar tinan ne’e.
Prezidente AͿTL Ziovonia hateten, Asosiasaun Jornalista Timor-Leste ho Asia Pacific Brocasting Union ne’ebe hetan apoiu husi United Nations Educational, Scientific and Cultural Organization (UNESCO) sei servisu hamutuk hodi kapasita membru AJTL oinsá minimiza liafuan insulta malu iha públiku.
“Objetivu husi treinamentu ida ne’e oinsá atu minimiza liafuan sira ne’ebé liga ho rasismu hanesan, reliziaun, rasa, kultura tanba dalabarak ema uza liafuan sira ne’e hodi hatun ka uza liafuan odiu hodi trata ka hatun ema nia privasidade sira ne’e iha média sosial la ho étika”, Haktuir Zevonia iha Fundasaun Haburas, Dili (14/03).
Nia salienta liután katak, importansia husi treinamentu ida ne’e mak oinsá atu kapasita menbru AͿTL sira hodi prepara-an fó kontribui hodi hamosu eleisaun ne’ebé di’ak sem rasismu iha eleisaun agora.
“Planu ida ne’e foin dala uluk AͿTL organiza kona-ba Mobile Ϳornalismo ka Ϳornalismu telephone liu-liu ba Smarphone ne’e importante tebes atu Ϳornalista sira uza sira-nia kretividade ho telephone ne’ebé iha kria rasik istoria hodi tau iha média sosial nune’e ema bele akonpaña, ho razaun ida katak bainhira kria istoria importante ka mensagen pozitivu ne’ebé ho valór di’ak hodi muda sosiedade nia hanoin, hodi bele ajuda reduz informasaun falsu, video falsu ne’ebé la edukativu”, Nia salienta.
Entretantu Ruben nu’udar Ϳornalista husi média Arquidiocese Dili agradese ba parte AͿTL tanba bele konvida hodi tuir treinamentu ida ne’e no nia enkoraja maluk jornalista sira atu partisipa ativu iha treinamentu sira hanesan ne’e atu hasa’e kapasidade jornalista nian hodi kontra ba kombate lianfuan insulta malu. Katak nia, iha Fundasaun Haburas.
Partipante iha formasaun ne’e kompostu husi ema nain 24 mai husi membru AJTL, organizasaun Direitus Humanus, organizasaun luta ba Direitu Rai, Ϳustisa, Klimátiku inklui membru Radiu Komunidade Defisiénsia.
Jornalista : Maria de Rossa
Editor : Natalino Ximenes.
Discussion about this post