Dili: 03/02/2023_JICA Liu husi departementu Voluntariu, sesta ohin aprezenta tan Voluntariu husi Japaun ho naran Kanako Osaka ba iha Eskola Colegio São José Operário hodi kontinua nia misaun hanesan Mestra edukasaun Fisíka iha eskola refere.
Program officer ba iha departementu voluntáriu JICA iha Timor Lourenço Hornay hanesan mós funsionariu JICA hateten Kanako Osaka antes ne’e hala’o ona nia Misaun iha Timor-leste hanesan profesora ba materia edukasaun fisíka iha Eskola Colégio São José Operário Balide, depois nia fila fali ba Japaun bainhira Timor enfreta situasaun Covid-19 no agora nia hakrak kontinua nia misaun iha Timor hodi kontribui ba dezenvolmentu Timor nian.
“Hanesan Timor oan, hanesan mós Funsionariu JICA kontente tanba Kanako Osaka antes voluntariu tiha ona iha Timor, depois nia fila ba Japaun tanba Covid, maibé tanba nia misaun seidauk hotu nune’e programa voluntariu loke fali nia hakarak mai fali Timor hodi remata nia Misaun iha Timor durante tinan rua” informa Lourenço Hornay hafoin Vizita Cortesia iha Esokola CSJO Balide ohin”
Nune’e mós Kanako Osaka nu’udar voluntaria ne’ebé antes ne’e servisu ona iha Timor ho oin hamnasa informa antes nee nia servisu voluntáriu ona durante fulan tolu deit iha Eskola Colégio São José Operário hodi la konsege remata ninia servisu voluntariu.
Kanako Osaka ,voluntaria ba materia edukasaun fisika iha Eskola Colegio São José Operario“Hau sai husi Timor ho urjente tanba Mundo hotu enfrenta situasaun Covid no hau hakarak mai fali Timor hodi remata hau nia Misaun no kontente tanba hau nia hakarak sai Realidade”
Biban hanesan mós Diretór eskola Colegio São Jose Operario Pe. Cesar Magno apresia ba JICA nia koperasaun entre Governu Timor-Leste no Governu Japaun ne’ebé bele fó falisita voluntariu sira husi Japaun mai Timor, tanba ne’e nia lori eskola nia naran hato’o Agradese ba JICA nia servisu hamutuk entre JICA ho Eskola Colegio São Jose Operario hodi fasilita voluntariu sira kontribuisaun ba iha eskola refere.
“Ohin ami nia eskola simu voluntariu ida liu husi programa JICA nia koperasaun ho Governu Timor-Leste no Japaun. Nunu’e ohin JICA mai apresenta ba ami voluntaria ida ne’ebé iha tinan 2019 nia voluntariu ona iha eskola ne’e depois de Covid-19 nia deside fila, maibé agradese tanba nia bele fila mai hodi kontinua nia misaun iha Timor no nia hanourin Dixiplina Edukasaun Fisíka iha eskola ne’e”
Nia mós garante katak prezensa voluntariu ne’e nian iha iha Eskola Colegio São Jose Operario sei kapasita estudante sira no sei kontribui ba Timor-Leste nia dezenvolvimentu liu husi area edukasaun.
Discussion about this post