Dili, 25 janeiru- JICA iha Timor-Leste Kuarta ne’e fasilita tan Voluntariadu nain lima husi Japaun atu servisu Voluntáriu iha Timor-Leste no sei apoiu iha Area Edukasaun no Saúde.
Lourenço G.O. dos Reis hanesan programa Officer ba Voluntáriu JICA iha Timor informa Voluntáriu sira mai ne’e mai tanba Timor-Leste ho Japaun iha ona Akordu iha tinan 2005 iha nasaun Xina hodi fo espasu ba ema Japaun atu mai Voluntáriu iha Timor-Leste.
Programa Officer Lourenço dos Reis
“Programa Voluntáriu JICA iha liu husi akordu entre Governu Timor-Leste no Governu Japaun halo’o iha Naaun Xina iha 2005 hodi fo erspasu ba ema Japaun atu sai ba Voluntáriu iha Nasaun seluk inklui Timor no akordu ne’e to’o Timor iha tinan 2010”. Dehan nia ba jornlista Radio Liberdade iha Aeroportu Internasional Nicolau Lobato, hafoin simu voluntariu nain lima.
Nia haktuir molok atu kontinua atividade Voluntáriu sira sei hetan formasaun lian tetun durante semana ha’at hafoin hala’o servisu, no Voluntáriu nain lima (5) ne’e nain tolu (3) sei apoiu iha parte edukasaun hodi hanorin iha eskola, no nain ida sei apoiu servisu iha servisu Autonómo Medikamentu no Ekipamentu Saúde (SAMES) inklui ida sei ba Institutu Ciénsia de Saúde ICS.
Nia hatutan Voluntáriu nain lima sei apoiu Timor durante Tinan 2 nia laran, tinan ida sei servisu iha Dili, posibilidade tinan ida sei servisu iha Munispiu ho ativiade ne’ebé hanesan. Nia mos garante katak sira sei hetan esperensia di’ak ruma iha Timor molok fila ba Japaun.
Iha fatin hanesan Tomohiro nu’udar Voluntáriu neebe durante nee halao ona atividade iha Timor hafoin mosu pandemia covid 19 nia paradu hodi fila ba Japaun, no agora nia hakarak kontinua fali nia misaun iha Timor no senti kontente tanba bele mai Timor-leste no nia nia sei hala’o knaar nu’udar professor.
“Ha’u kontente tanba bele mai Timor no ha’u sei servisu nu’udar mestri ba materia edukasaun físika iha eskola Sta. Madalena Canosa”. Hateten nia bainhira to’o iha Aeroportu Internasional Nicolau Lobato Timor-Leste.
Tuir dadus ne’ebé JICA iha husi 2010 to’o ohin loron total voluntariu ne’ebé servisu iha Timor hamutuk 116, no 37 mak fila fali ba Japaun tanba Covid iha fulan Marsu 2020 no agora JICA kontinua fasilita Voluntariu sira mai apoiu servisu iha Timor Leste.
Entretantu Voluntáriu nain lima ne’ebé foin mai kompostu husi Feto haat (4) no mane ida (1) no sira sei apoiu servisu Voluntáriu iha Timor durante Tinan rua.
Discussion about this post