Radio, online – Major General, Falintil-Forsa Defeza Timor Leste (F-FDTL), Lere Anan Timor hare ba realidade iha kapital Dili sempre iha ema mate bebeik tamba ema oho, deskonfia iha ema balun mak organiza hodi lakoi UNMIT atu retira husi TL.
“Ita nia situasuan halo ita deskonfia fali, la kleur ema mate no la kleur ema mate tamba oho. Keta iha ema ruma mak orgniza krimi ne’e karik, tamba ONU nia misaun atu remata ona ne’e,”dehan General fitun rua ne’e ba jornalista, wainhira remata hasoru malu ho Prezidenti da Republika, Taur Matan Ruak, Kuarta, (19/9).
Lere hatutan, maske iha Dili laran ema la kleur mate tamba oho, maibe situasaun emjeral iha teritoriu lao hakmatek no kontroladu.
“Ita nia seguransa tenki pro-ativu ba situasaun hanesan ne’e. Atu povu ho juventude sira konsente moris iha ukun-an ne’e iha hakmatek nia laran.
Iha hasoru malu ho PR Taur, Lere husu atu estadu fo atensaun ba bens star forsa defeza nian ne’ebe sei limitadu tebes, iha area kondisaun ba forsas sira.
Discussion about this post