Radio, online – Primeru Ministru, Kay Rala Xanana Gusmao optimista problemas fronteira entre TL ho Indonezia iha Distritu Bobonaro no Oecusse sei rezolve lalais, liu husi enkontru entre ministerial, iha fulan Outobru mai ne’e.
“Asuntu fronteiras sai asutu prinsipal iha ekontru ministerial, hau uluk kedan koalia ho Prezidenti Indonezia nian, Susilo Bambang Yudhoyono (SBY) iha Bali ne’ebe ita bele foollow up hodi hadia lalais,”dehan PM Xanana ba jornalista hafoin hasoru malu ho Prezidenti da Republika Taur Matan Ruak, Tersa, (18/9).
Iha linha fronteira, iha kazu tolu mak handesan Delomil (Indonezia), Memo (Timor-Leste) husi Bijael Sunan (Indonezia) no Oben Manunasasi (Timor-Leste) nune’e mos entre Noelbesi (Indonezia ) no Citrana(Timor-Leste).
PM Xanana hatutan, nia hasoru malu ho PR Taur, hodi fo parabens no despedida ba Embassador Indonezia, Edy Setiabudi ne’ebe remata ninia misaun iha TL. Embassasor Indonezia ne’e sei fila iha dia 20 fulan ida ne’e, (ohin).
Tuir PM Xanana, Embassador, Edy Setiabudi halao knar diak tebes ho TL. “Hau fo agradese ba Embassador ne’e nia atu nia fila ona ba Indonesia, relasaun Indonezia ho Timor Leste sei kontinua ho diak,”.
PM Xanana mos dehan, foin dadaun Ministru Negosiu Estranjeiru ba vizita Indonezia, hodi deside atu iha enkontru alto nivel ho Prezidenti da Republika TL.
“Hau rasik ho SBY desidi kalendario iha 2013 sei enkontru iha area dezenvolvimentu , ba area ne’ebe importante,”Xanana akresenta.
Discussion about this post