Radio, online – Tuir planu, V governu Timor Leste ne’ebe xefia husi Primeiru Ministru, Kay Rala Xanana Gusmao atu sosa tanki da guera husi kompanha Pindad, Indonezia.
Informasaun ne’e radioliberdadedili. com asesu husi TEMPO.CO, Jakarta foin lalais ne’e.
Media ne’e mos dehan, Timor Leste iha tinan ne’e tuir planu sei sosa tanki da guera, husi kompanha PT Pindad Persero.
“Agora dadaun iha prosesu negosiasaun nia laran, hein deit ninia rezultadu,”dehan Direktur kompanha PT Pindad Adik Avianto, Sabadu, 1 September 2012.
Tuir Andik, iha dia 12 de Setembru sei hakat ba Timor Leste ho ekipa atu iha akordu ida entre Ministeiru Defeza no Ministeiru Finansas atu koalia lolos konaba halo eksportasaun tanki da guera rua ne’e.
Wainhira iha akordu, prosesu ba oin se koalia konaba oinsa atu seluk ba material funu nian ne’e.
Prepara akordu ne’e, orsamentu atu seluk ba folin tanki da guera ho kreditu ne’ebe sei liu husi Banku Mandiri iha Timor Leste.
“Husi Timor Leste seidauk difinia lolos tanki da guera mudelu saida mak atu sosa, presiza hare tuir nesesidade nasaun ne’eba nian. Alende ne’e mos TL atu presiza lolos tanki da guera hira,” Adik esplika.
Folin tanki da guera ho modelu 4 x 4 ne’ebe babain uza iha area kma’an, hanesan iha vila ninia folin kada 1 iha RP 4 miliar. Maibe folin sei bele aumenta wainhira amenta ho kilat nomos kemera hafuhu nian. Ba tanki da guera ne’ebe uza ba iha area ne’ebe todan h modelu 6×6 ho nia folin RP 8 miliar.
Discussion about this post