Radio, online – AusAID sente orgullu atu finansia projetu peskiza edukasaun 2012 ho ninia total valor osan miliaun US$1.6. Akordu ne’e nu’udar rezultadu kooperasaun diak entre Governu Australianu ho Governu Timor-Leste liuhusi Diresaun Nacional de Estatiska husi Diresaun Geral de Analiza e Pesquiza, Ministeriu das Finansas servisu hamutuk ho Diresaun Geral dos Servicos Cooperativos, Ministerio da Edukasaun, apoiu tekniku husi Banku Mundial.
Diretor Programa Edukasaun AusAID iha lrorn 31-8 – AusAID 2012 iha salaun Ministerio da Finansas Lendon hateten katak “orgullu suporta projetu ne’e tamba rezultadu husi survei ne’e sei informa ba estudante sira, mestre/mestra no governu Timor-Leste atu hadiak no reforma politika governu nian iha area edukasaun.”
“AusAID mós dadaun ne’e ajuda fó apoiu ba treinamentu ba ema hamutuk 140 hirak ne’ebé sei ba hala’o survei ne’e no espera katak survei ne’e sei remata iha fin de tinan ne’e duni.
Lendon saliente tan katak “Governu Australia liuhusi AusAID sei nafatin apoiu inisiativa Governu Timor-Leste iha area edukasaun.”
Husi parte Ministeriu Edukasaun nian, Diretor Geral dos Servicos Cooperativos Ministerio da Edukasaun, Apolinario Magno apresia kooperasaun ne’e nu’udar dalan diak atu hamenus dejafiu sira ne’ebé mosu iha area edukasaun.
Magno espera katak “Rezultadu husi survei ne’e sei reprezentativu no kredivel, liu-liu ministeriu edukasaun bele uza dadus ne’e ba ninia planu iha futuru.”
Nu’udar ajensia governu nian ne’ebé sei responsavel ba ezekusaun projetu ne’e, Antonio Freitas, Diretor Geral de Analiza e Peskiza husi Ministeriu Finansa, dehan katak ekipa survei sei vizita eskola bazika no mós sekondariu hotu iha Timor laran. No sei halo intervista ho mestre no mestra inklui mós direitores eskola sira hotu.
Asina dokumentu ba projetu ne’e marka prezensa husi AusAID, Sarah Lendon nu’udar Diretor ba Programa Edukasaun no Saude; Apolinario Magno, Diretor Geral dos Servicos Cooperativas husi Ministerio da Edukasaun, no Antonio Freitas, Diretor Geral de Analiza e Peskiza husi Ministerio das Financas.
Discussion about this post