Radio, online – Xefi Estado Maijor General F-FDTL, Lere Anan Timor husu ba governu atu kria kondisoens ba komponente Aero F-FDTL nian, tamba ba oin governu atu sosa Helikoptru.
Lere kasu lia hirak ne’e iha serimonia aniversairu loron FALINTIL ba dala XXXI iha Quartela Geral, F-FDTL, Fatu Hada (1/9). Sermonia ne’e Komando F-FDTL halao hamutuk ho komunidade suku Fatuhada ho suku Bairopite.
Iha biban ne’e Lere dehan, “Ita nia rekursu, ita nia potensia ne’e iha tasi ne’e ita presiza asegura, ita presiza meius kondisoes kapasidade, kapasidade ida mak komponente Naval no komponenete Aero, kompnete naval ita hari dadauk ona maibe sedauk to’o,”.
Atu hari komponente Areo Lere kontaktu ona ba Portugal, Filipina. Ba oin nasaun rua ne’e sei prepara forsa armadas sira iha pilotu nian.
“Hau nia hanoin ne’e hato’o ona ba governu, agora dadaun simu hau nia hanoin ne’e no ba oin sira sei foti desizaun no realiza,’dehan Lere.
Lere hatutan, atu hari komponente Aero iha tinan ida seidauk bele hari. Tinan oin mos seidauk bele karik, tamba haruka governu sosa Helikoptru laos fasil, maibe atu kria kondisoens atu simu Helikopteru mak sei problema.
“Hau hanoin ita presiza pilotu, mekaniko buat sira ne’e hotu, ita nia ema komesa treino ona iha Filipina maibe seidauk remata. Portugal mak halo levantamentu konba komponente Areo,”Lere aesplika.
Durane ne’e mos parte governu ho F -FDTL mos sedauk identifika fatin atu sosa Helikopteru ne’e husi nasaun ne’ebe mak diak liu.
“Hau seidauk hatene atu sosa Helikoptru husi nebe. Importante mak atu sosa buat ruma, tantu Helikoptru presiza estudu tekniko, la bele sosa deit sosa deit, depois sosa tiha mai ita la gosta fila,”dehan Lere.
Discussion about this post