Radio, online – Estudantes Universitáriu Suku Afaçá (EUAFA), Sub distritu Quelicai Distritu Baucau hala’o aktividade hanesan semináriu no mos aktividade rekrasional mak hanesan desportiva, aktividade hirak ne’e halao iha suku Afaçá durante loron haat nia laran hahu husi loron 27-30 fulan Agusto ho objetivu atu komemora loron Referendum 30 de Agosto.
Tuir komisaun organizadora, Abrão Desá iha nia abertura hateten katak, nudar estudante ida sira iha dever atu serbi no anima komunidade sira iha sira nia suku, tan ne’e sira iha inisiativa ida hodi akomula estudantes universitáriu iha Timor laran tomak ne’ebe pretense ba suku refere hodi halo aktividade iha sira nia suku. Aktividade hirak ne’e parte ida hodi reduz problema suku kria paz no estabilidade iha suku laran.
“Akvidade ne’ebe mak ami halo durante loron haat nia laran ne’e hetan partisipasaun husi autoridade local, Komunidade, mestre , nos estudantes universitáriu no Ensino Básiku, no iha ”
Iha fatin hanesan presidente EUAFA Antonio viano hateten katak hanesan estundante universitariu ida iha hanoin ne’ebe dook no ambisaun ne’ebe maka’as hodi halo kualker aktividade hodi resolve problema no nesesidade komunidade nia liu husi aktiviadade kria mos estabilidade hodi garante dezemvolvimentu iha area edukasaun, agrikultura ekonomia no social. No nia konfesa liu tan katak sira mos presija kumpri sira nia papel no funsaun nudar estudante universitáriu mak hanesan: Iron stok, agente of change, social control no moral force. Katak sira nia papel mak hanesan perpara-an, hanoin atu muda buat ne’ebe mak la iha valor, sai mos kontrola social no ikus liu iha mos moral ne’ebe mak aas.
“ami hanesan estudante ami tenke ami nia papel no funsaun estudante universitáriu mak hanesan iron stok agente of change social control no moral force ” dehan Antonio.
Entertantu tuir komunidade Mario Soares katak nia sente orgullu ho aktividade ne’ebe mak estudante universitáriu halo iha sira nia suku tamba aktividade bele halo sira kontente liu tan no bele diverte liu tan sira iha loron istoriku hanesan 30 de Agostu ne’e.
“Hau sente orgullu ho aktividade ne’ebe mak ami nia oan sira liliu estudantes universitáriu suku Afaçá nia halo iha ami suku ne’e tamba bele diverti liu tan ami iha loron istóriku nee no sira mos iha inisiativa diak hodi dezemvolve sira nia suku no hanoin oinsa atu kria paz no estabilidade iha rai laran liliu iha suku Afaçá”dehan Soares
Discussion about this post