Radio, online – Sekretario Geral, Partido FRETILIN, Mari Alkatiri fiar katak ho kompozisaun V governu ne’ebe bo’ot demais, ba tinan lima nia laran sei la implementa Planu Estratejiku Dezenvolvimentu Nasional (PEDN), ne’ebe PM Xanana mehi ba TL.
Asuntu ne’e, Mari ba jornalista iha PN, wainhira remata partisipa komemorasaun loron FALINTIL ba dala 37 Segunda, (20/8).
Mari hatutan, V Governu sei la ezekuta PEDN, tamba membru governu ne’ebe barak. Hanesan iha Ministeiru ida iha membru governu nain lima, iha Vice Ministru nain 2 no Sekertariu Estadu nain 3.
“Se mak manda se, se mak halao servisu. Sira sei hadau malu kompetensia ne’ebe ninia impaktu sei la bele ezekuta PEDN,”Mari lamenta.
Tuir Mari, V governu sei poir liu no sei at liu fali IV governu AMP liuba. Governu ne’e bolu nafatin defaktu tamba kompozisaun bo’ot demais.
Mari mos dehan, atu hare membru governu sira iha nia planu, sei hare iha lorin atus ida nia laran (100). Alende ne’e mos presiza hare lai membru governu ididak hato’o sira nia programa iha PN mak foin hatene saida mak sei halao durante tinan ida nia laran.
“Hau atu hakerek artigu ida konaba V governu, maibe hau sei presiza hare sira memebru ididak nia programa,”Mari esklarese.
Discussion about this post