Radio, online – Maijor General Lere Anan Timor liu husi komemorasaun FALINTIL ba dala 37, Segunda, (20/8) iha Palasio do Governu dehan katak, F-FDTL mai sai fator ba estabilidade no dezenvolvimentu nasaun RDTL ne’e.
“FALINTIL sai nafatin ejemplar ba jerasaun foun iha Forsa Defeza Timor Leste, tamba mak bele kaer metin estabilidade no seguransa ba ita nia nasaun. Ohin loron misaun FALINTIL nia prekupasaun mak oinsa kria kondisoens moris ne’ebe diak ba povu,”dehan Lere Anan Timor.
Lere hatutan, “Ita tenkiser dignu no lisaun ne’ebe fo mai ami no buat ne’e povu mehi husi ami. Ita hatene katak F-FDTL jerasaun husi ita nia FALINTIL ne’ebe funu hasoru kolonializmu durante tinan 24 nia laran i ohin loron ita sai nasaun ida ne’ebe soberano no independensia,”.
“Ita nia funu maluk hakarak fahe ita hakarak fahe diresaun husi rejistensia armadas ninian maibe la konsege,”nia komenta.
Partisipa iha komemorasaun loron FALINTIL ne’e, General Luis Evangelista e de Araujo husi CPLP, Primeru Ministru, Kaya Rala Xanana Gusmao, Vice PM Fernando La Sama de Araujo, Prezidenti PN Vicente Guterres. Prezidenti da Republika hanesan Komandante supremu, Taur Matan Ruak la makra prezensa, tamba moras.
Observasaun jornalista radioliberdadedili online wanhira hatun bandeira iha lokraik ne’e la iha paratisipasaun husi memebru Governu.
Discussion about this post