Radio, online – Delegasaun Timor Leste, kompostu husi STAE no CNE sei aranka ba Darwin, Australia iha semana ohin mai hodi halo observasaun ba eleisaun munisipiu iha Australia.
Team Leader TL ba Australia Eletoral Commission (AEC), Augusto Ximenes Pereira ba jornalista iha hotel Nova Horizonte, Metiaut Dili Kinta, (16/8).
Augusto hatutan, ohin ne’e halo breafing ba ekipa delegasaun, tamba delegasaun husi TL nudar sai partisipante ba hare eleisaun no ba tuir formasaun eleisaun atu halo kooperasaun diak iha tekniku, nune’e mos oinsa halo supervizaun ba tekniku eleitoral atu halo kooperasaun diak.
“Hau husu ba partisipante ou delegasaun wainhira fila mai TL presiza fahe fali esperensia ne’ebe hetan iha Australia konaba eleisaun munisipiu nian,”Augusto esperansa.
Tuir ajenda delegasaun sei aranka iha dia 20 mai, semana ida sei iha Darwin. Tamba iha Darwin sei halao eleisaun munisipiu nasaun norte teritorio ninian iha Darwin, Australia.
Husi delegasuan nain 24. Husi STAE iha ema nain 4, husi nasional, CNE nain 18 balun husi Distritu.
Diretora STAE Distritu Ermera hanesan delegasaun, Romenia Moreira Pereira dehan, sira sente kontete atu ba partisipa formasaun eleisaun iha Darwin, hodi hare direitamente tenknika eleitora no halo partikamente hare saida mak sei akontese iha eleisaun munisipiu iha Darwin.
“Ami presiza mos iha mudansa ruma para ami mos bele implementa fali iha ita nia nasaun. Ami sei halo paratika no halo observasaun ba sira nia eleisaun munisipiu nian ne’ebe sira halo iha tina ne’e,”dehan Romenia.
Discussion about this post