Radio, online – Programa Nasional Dezenvolvimentu Suku fó Oportunidade Servisu. Governu nia Programa Nasional Dezenvolvimentu Suku, buka foin-sa’e Timoroan sira, atu tuir programa formasaun inovativu governu nian, atu servisu, nu’udar tekniku komunitariu, iha suku.
Programa ne’e, sei rekruta ema atus rua (200), liu-liu ba feto sira, atu tuir formasaun intensivu fulan hitu (7), atu dezenvolve abilidade tekniku, no mobilizasaun komunidade.
Sira ne’ebé hetan rezultadu di’ak husi formasaun ne’e, sei servisu hanesan Fasilitador Tekniku iha Programa Nasional Dezenvolvimentu Suku.
Programa ne’e sei implementa husi tinan rihun-rua sanulu resin tolu (2013) to’o tinan rihun-rua rua-nulu (2020).
Fasilitadores tekniku sei servisu iha suku sira atus hat-hat nulu resin rua (442).
Kualifikasaun:
· Minimu diploma eskola sekundaria, remata universitariu no baxarelatu iha area teknika.
· Esperiensia servisu iha projetu dezenvolvimentu komunitaria no Organizasaun Naun-Governmentais.
· Saude di’ak no ho idade menus husi tinan hat nulu.
Programa ne’e fó pozisaun porsentu hatnulu ba feto sira, (40%).
Hatama aplikasaun molok loron sanulu resin lima fulan Augustu tinan rihun rua – sanulu resin rua (2012) iha Edifisiu Administrasaun Distritu ka Sub-Distritu.
Intervista sei hala’o iha fulan Setembru, iha sede Administrasaun Distritu ida-ida.
Formandos rihu rua ne’e, sei partisipa prosesu rekrutamentu, atu prienxe vagas teknikus komunitarias atus ida tolu nulu, atu servisu ba Programa Nasional Dezenvolvimentu Suku, ne’ebé sei hahú fulan Juñu tinan rihun rua-sanulu resin tolu.
Ba maluk foin-sa’e sira, ne’e oportunidade apriende abilidade foun, servisu di’ak tinan walu nia laran.
Bele haree informasaun kompleta iha Edifisiu Administrasaun Distritu ka Sub-Distritu, no Sentru de Empregu e Orientasaun Profisional.***
Discussion about this post