Radio, online – Vendedores fa’an sasan produtu lokal iha feira jardin Borgas, lamenta tebes ba negosiante estranjeiru husi Xina ne’ebe koinesidu ho naran ‘Jinjan’ ne’ebe domina iha nasaun ne’e hodi impede produtu lokal.
Kestaun ne’e hato’o husi vendedores husi Distritu Liquica, Maria da Costa Cabral ba radioliberdadedili online Kinta, (9/8) iha feira jardin Borgas/ Motael.
Aktividade feira ne’e, organiza husi kompanha Ramkamby group Lda, hetan lisensa husi Ministeiru Turismu Comercio e Industria (MTCI).
“Ami mai fa’an produtu lokal, atu hamrik metin liu husi kontribuisaun governu ho rajaun ita bele lao ba oin,”dehan Maria.
Maria hatutan, tane liman ba governu atu fo buat ruma, maibe nudar povu hamrik iha nia ain rasik, liu husi produtu lokal, ne’ebe promove ba fatin hotu-hotu.
Vendedores Distritu Luquica ne’e, fa’an produtuk lokal mak hanesan, kartera, pasta, assesories, selenda, tais kiik bo’ot raga, froinhas no kalbaka. Produtu hirak ne’e halo husi akadiru, kabas, no edan tahan.
Feira loke durante loron tolu ona, vendedores ne’e hetan osan kuaze U$350.
Vendedores ne’e salienta liutan wainhira remata tiha feira ne’e, produtu lokal sei lori fila fali ba distritu. Husu ba governu labele hatama ema estranjeiru mai fa’an sasan iha nasaun ne’e, ne’ebe sei hamate produtu lokal.
Maria lamenta ba fatin feira ne’e, tamba kondisaun ladun sufsiente hanesan susar ba be’e mos no sintina la iha.
Iha fatin hanesan Ana Rosa da Silva hanesan vendedores fa’an ai funan, husi Pantai Kelapa nia mos lamenta ho kondisaun feira ida ne’e. ne’ebe la favorese iha ne’e kona ba falta be mos ho sentina iha fatin feira ne’e.
“Hau husu ba governu sira atu hakat mai iha fatin ne’e atu bele sosa hau nia produto,”nia espera.
Maria hari’i grupo ida iha maubara 14/4/2000 hamutuk ho feto maluk nain lima (5), hodi promove tan feto maluk sira seluk hamutuk ha’at nulu resin lima (45), Grupo ne’e hamri’ik to’o ohin loron.
Discussion about this post