Radio, online – Primeiru Ministru (PM) indizitadu V Governu Konstituisional, Kay Rala Xanana Gusmão, iha kuarta (1/08), esplika estrutura foun V Governu konstituisional ba Diretor tomak husi Ministeriu hotu-hotu.
“Governu ida ne’e la’os atu habo’ot ka haki’ik, maibe, hau hanoin ida atu bele presta servisu ba hotu –hotu,” hateten xanana liu husi nia sorumutu ho Direictor jeral no Direitor Nasional, iha salaun CNE, kolmera – Dili, horseik.
Xanana esplika, estrutura bloku Governu Koligasaun ninia Ministeiru no orgaun estadu laiha mudansa, maibe iha estrutura ne’ebe maka hetan ajustamentu, tuir estrutura foun bazea ba lei Organiku, Kintu Governu konstituisional, no estrutura ministeriu balun ne’ebe sei hasai ou hatama iha Kintu Governu Konstituisional.
Ministeriu ne’ebe la ezisti iha V Governu konstitusional maka Menisteriu Ekonomia no Dezenvolvimentu, Vice Ministru Ekonomia no Dezenvolvimentu, Sekretariu estadu Dezenvolvimentu Rural no kooperativa, kompostu husi ninia Diresaun tomak. Tuir sekretariu estadu no politika Enerjetika, Gabinete sekretariu Estadu ho nia diresaun tomak. Gabinete Sekretariu Estadu do rejiaun, Gabinete sekretariu estadu ba reformasaun administrative (SERA).
Ne’eduni PM Xanana komenda ba hotu-hotu ba Funsionariu husi MED no SEPE ne’be sei ativu hela husu atu KFP mak sei tau matan direita no halo alokasaun ba ministeriu sira ne’ebe maka presija funsionariu.
Ba patrimonia estadu ne’ebe partenente ba ajensia rua ne’e husu atu intrega ba DNGPE atu halo rekomendasaun ba estrutura foun governu nian. Orsamentu ba funsionariu husi MED no SEPE sei sentralija iha KFP, mak sei responsabiliza ba pagamentu sira nia salariu.
Alende ida ne’e, Bloku Governu Koligasaun, sei forma ninia estrutura governu foun ho ninia estrutura hamutuk Ministru 17, vice ministru 13, ho mos sekretariu estadu 25. Maibe iha governu AMP, Ministru hamutuk 42, Vice ministru 7, no nia sekretariu estadu 26.
Iha oportunidade ida ne’e Agostinho Castro mos fo mos introdusaun kona ba mandate AMP sei termina iha loron 8 Agostu. Ne’e duni, Kintu governu maka sei prepara orsamentu Ratifikativu OJE 2013.
Discussion about this post