Radio, online – Komando F-FDTL hasai nia membru nain 10, tamba durante ne’e sira la tama servisu, no balun la’os petisionariu maibe sees aan. Ne’eduni Komando halo prosesu legalizasaun hodi hasai membru hirak ne’e.
“Balun uluk la’os petisionariu maibe, sira sees aan, sira nunka fila, entaun agora ne’e ami halo deit prosesu legalizasaun, tamba ne’e agora prosesu legalizasaun, ami halo hotu ona,” hateten Adjunto xefi Estadu Maior Jeneral F-FDTL, Brigadero Jeral Filomeno Paixão ba Jornalista sira iha Palacio Prezidensial, Aitarak laran, Dili, Kuarta (01/08).
Nia esplika, F-FDTL la’os duni sai membru sira ne’ebe foin maibe hasai mak membru tuan sira ne’ebe lakohi tama kantor, kuaze nain sanulu.
Alende ne’e, brigen Filomenu haktuir, F-FDTL sempre informa situasaun forsa nian ba prezidente republika (PR), Taur Matan Ruak, Kada semana. Agora dadauk laiha kazu espesial ida, maibe sira ohin koalia liu ba forsa nia lala’ok iha laran no mos iha liur.
“Tamba forsa nia kolaborasaun no apoiu fo ba PNTL, kona ba ami nia membru sira koloka iha fronteira, Same, Ainaro ho Viqueque. Situasaun la’o diak hotu, la’os deit ami maka iha ne’eba, maibe ita nia maluk polisia, populasaun tomak hakarak kontribui para situasaun estabil,” dehan Brigen Filomeno.
Nia hatutan, kolokasaun ne’ebe sira tau i9ha ne’eba, ne’e sira simu instrusaun diretiva politika, ne’e maka sira koloka. Iha fatin sira ne’ebe ohin koalia ne’e, liu-liu ba kosta sul, Same to’o Viqueque.
Nune’e mos bazea ba reuniaun ne’ebe Primeiru Ministru nu’udar Ministru Defeza no Seguransa hamutuk ho Administrador tomak, sira reuniaun antes de Eleisoens, forsa sira ne’e retira ka lae, maibe sira hein deit diretivapolitika husi governu fo ba sira, maka foin sira halo movimentasaun ba membru forsa sira ne’e.
Discussion about this post