Radio, online – Prezidente Partido Demokratiku (PD), Fernando La Sama de Araujo dehan, nia pronto atu asumi kargu Vice Primeiro Ministro, Koordenador ba Asuntu Sosial iha Bloku Governu Koligasaun, maibe ida ne’e iha prosesu nia laran.
La Sama ba Jornalista, tersa (31/07), iha uma fukun Parlamentu Nasional, hateten horii uluk nia pronto atu asume pasta saida deit iha V governu konstitusional, iha Parlamentu nomos iha Prezidente da Republika, tanba uluk kedas PD mehi, karik PD manan nia atu sai nudar Primeiru Ministro, ka Prezidente da Republika, maibe la atinji mehi ne’e.
“Hau la’os ambisaun, maibe realidade tuir prosesu ne’ebe la’o tiha ona. Ohin hau remata ona hau nia funsaun nudar Prezidente Parlametu, aban mos PD sei aprezenta lista substituisaun temporaria atu nune’e deputadu lista PD atu mai ktrika hau, depois hau ba haree fali servisu seluk,” hateten La Sama
Nia informa, vaga hodi priense kintu Guvernu Konstitusional nia prosesu kontinua la’o, seidauk iha final. Kayrala Xanana Gusmão indika La Sama kaer pasta nudar Vice Primeiro Ministro, nia pronto atu simu hodi servi povu no nasaun ida ne’e.
Nia haktuir, to’o oras ne’e, husi PD seidauk hatene lolos atu propoen ema nain hira, maibe kona ba estrutura Governu foun, prosesu konsensu ida ne’e duni. PD seidauk hatene ida ne’e lolos ema nain hira mak atu tama iha vaga kintu governu konstitusional.
“Ami define ona katak , halai ba iha koaligasaun hanesan konsensu ida iha ideia bele soe ba malu, maibe seidauk koalia kona ba vagaa nia” nia informa
Bazeia ba lista kintu Governu Konstitusional, katak Ministru hamutuk 17, vise 13 sektariu estadu 25 husi lista provisorio ba iha bloku governu koaligasaun , sei lidera husi Primeiru Ministru, Kayrala Xanana Gusmão tuir nia estrutura organika nian.
Iha oportunidade ida ne’e mos Sek- Jeral CNRT, Deonisio Babo mos hateten, kona ba naran ne’ebe mak atu tama iha strutura governu, to’o oras ne’e seidauk iha maibe ofisialmente foin mak debate.
“Ami sei enkontru dala ida atu bele deside kona ba naran hirak ne’e. hein katak iha loorn 6 Agostu 2012, naran sir abele kompleta ona iha strutura governu “ hateten Dionisio
Tuir informasaun iha ona kandidata forte balun ne’ebe priense ona iha vaga balun hanesan, Agio Pereira, Vice Primeiro Ministro , koordenasun ba asuntu sosial, Fernando La Sama de Araujo, Ministro nefosiu Estrangeiro, Jose Luis Guteres, Ministra Finansa Emilia Pires. Ministro Administrasuan ESTATAL, Bendito Freitas, Ministru Justisa, Dionisio Babo, Ministru Agrikultura, Mariano Asanami Sabino,.\
Pasta ba Ministro Solidariedade Sosail, Maria Domingas Alves, ho Jacinto Rigoberto. Ministro Comersio Industria no meiu ambiente, Francisco Calbuady, Ministru Saude, Sergio Lobo, Ministro Edukasaun Aurelio Guteres, ho Jorge Teme , Minisreo Transporte no komunikasaun, Fernando da Cruz, Ministro Defeza no seguransa, Xanana Gusmão, Ministro Enerjetika no rekursu naturais, Alfreso Pires.
Ba kandidatu forte ba iha Secretario estadu, SE Defeza, Julio Thomas Pinto. SE Konselo Ministro, Avelino Coelho. SE asuntu Parlamentar, Rui Menezes, SE Komunikasuan Sosial, Nelio Izac, tuir mai SE STAE, Tomas Cabral, SE CFP, Liborio Pereira.
Discussion about this post