Radio, online – Maske hela deit semana mandatu governu AMP atu remata, Sekertaria Estadu Promosaun Igualdade (SEPI) Idelta Maria Rodrigues halao lansamentu ba website SEPI nian ho naran www.sepi.gov.tl iha Hotel Timor, Kinta, (26/7).
Tuir Idelta katak objetivu husi lansamentu website ne’e mak atu loke espasu ba sidadaun hotu atu asesu hotu hodi nune’e sira bele hatene liu tan saida mak feto sira halo loron liliu programa ne’ebe mak SEPI halo durante tinan lima nia laran no website ne’ebe mak ekipa SEPI nia kria mak www.sepi.gov.tl.
SEPI nee dehan, agora dadaun ne’e sai hanesan mundu globalizasaun ne’ebe moderniza maka’as tebes tan ne’e liu husi meus komunikasaun bele aseklera lalais prosesu dezemvolvimentu.
Repezentante Primeiru Ministru, Sekertario Estadu Politiku Enerjetiku, Avelino Coelho hateten, nia apresia teb-tebes SEPI tamba durante tinan nia laran serbisu maka’as ba area igualidade generu nian.
Prezidenti PST ne’e dehan, iha kontestu luta ba generu ho prejensa website ne’e povu Timor bainhira luta ba valores universais no globais ita lalakon ita nia nia identidade nudar povu.
Atu lori nasaun ne’e ba oin akompaña dezenvolvimentu mundu globalizadu no hanesan ho sociedade dezenvolvidu hodi fo kontribui ba paz no dezenvolvimentu iha mundu rai klaran tomak.
Iha seremonia lansamentu ne’e fahe mos sertifikadu apresiasaun ba radiu komunidade sira iha distritos 13 inklui mos Radiu Rakambia , Radiu Loriku lian no ekipa ne’ebe mak halo servisu maka’as halo website SEPI nian no nian hatutan tan katak tinan ida ne’e fo oportunidade ba Radiu komunidade sira iha area rural.
Idelta hatutan, nia mos fo ninia apresiasaun ba Timor Leste Media Development Centre (TLMDC) maske la fo sertifikadu apresiasaun nia maibe nia rekoinese TLMDC iha kolaborasaun servisu diak ho SEPI ba iha futuru ho diak liutan.
Discussion about this post