Radio, online – Sekertariu Geral, partido historiku Frente Revolusionariu Timor Leste Independente, FRETILIN Mari Bim Amude Alkatiri ejiji ba Xefi V governu konstitusional diak liu governu anterior, Aliansa Maioria Parlamentar (AMP).
Kestaun ne’e Alkatiri dehan ba jornalista Kuarta, (25/7) wainhira hamutuk ho Prezidenti FRETILIN, Francisco Guterres ‘Lu-Olo’ hasoru malu ho Prezidenti da Republika Taur Matan Ruak iha palacio Prezidensial Aitarak Laran, Dili.
“Ami mai atu hateten katak Fretilin la manan maibe ami prontu nafatin fo kontribuasaun atu hametin paz no estabilidade, liu liu kontribusaun ba dezenvolvimentu nasional, tamba paz no estabilidade komesa metin. CNRT mak manan eleisaun, CNRT mak buka nia aliador laos FRETILIN mak impoi, fali,”dehan Alkatiri.
Alkatiri hatutan, iha 2007 buat ne’e lao naksalak tiha mais FRETILIN respeita povu nian, biar la mana maioria semak manan eleisaun nia mak foti desizaun atu forma koligasaun ka atu ukun mesak. Nasaun ne’e ne’e la presiza deit governu nasaun ne’e presiza ema hotu nia kontribusaun para lao ba oin.
“Ami kontinua iha tim rua ida husi FRETILIN ida husi CNRT atu koalia. Dala barak hau hatete, ami la hadau kadeira ga fahe malu kadeira. Ami hakarak deit kontribui de ideias ho saida mak ami hatene para atu halo nusa governu ida ne’e ba oin bele ukun diak liu, duke governu foin lalais ikus ne’e,”Alkatiri komenta.
Tuir Alkatiri, FRETILIN nia odamatan nakloke nafatin atu fo kontribusaun iha governu nomos iha Parlametu Nasional nomos iha fatin ne’ebe hodi nune’e povu bele senti ona komesa ona sai husi kiak.
Discussion about this post