Radio, online – Ekipa Nasional Timor Leste Sub-16 ne’ebe durante semana rua nia laran halao jogu amizade iha Comunidade Paiz Lingua Posrtuguesa (CPLP) halao iha Portugal, TL sai segundu lugar.
Iha nasaun kompostu CPLP hamutuk nasaun Walu (8), maibe nasaun rua (2) mak la tuir jogu ne’e, nasaun rua ne’e mak hanesan Sao Tome Principe no Guinea Bissau.
Nasaun Nen mak jogu iha iventu ne’e. TL hamutuk ho nasaun Angola no Cavo Verde, iha grupo B. Iha grupo ne’e TL mak sai vensador. TL manan Angola 1-0. Iha jogu TL ho Cavo Verde, TL manan ho 3-2.
TL hakat ba final hasoru Portugal. Iha final ne’e TL lakon ho 2-0. Maske TL lakon maibe ulun hamrik nafatin, tamba TL agora dadaun iha fute ball nia komesa lao dadaun ona.
Ekipa Sub-16 to’o iha TL iha aeroportu Nicolao Lobato, ho aviaun komersial Batavia Air. Delegasaun akipa Sub-16 hetan antuazismu husi kolega sira, fans nomos inan-aman sira simu dereita iha sala VIP nian.
Husi aeroportu Internasional, ekipa sub-16 halao pawai liu iha tasi ibun Pantai Kelapa, sira ba to’o Sekertairu Estadu Juventude Desportu, Lecidere, Dili.
Liu husi Sekretario Estadu Juventude Desportu, Miguel Manetelu ho emosau n kontenti hateten, estado TL kontenti tamba nasaun ida foin ukun-an, tinan sanolu maibe jogador sira bele ona joga iha nasaun seluk.
“Hau husu ba federasaun ita tenke serbisu hamutuk maske hau nia mando atu atu remata dadaun ona, governu rekoinese katak governu seidauk halo buat barak ba joven sira. Maibe husi prosesu sira ne’e hotu estado senti kontete tamba bele joga iha amizade CPLP ita hetan II lugar,”dehan Miguel ho kontenti.
Biban ne’e, Vice Prezidenti Treinamentu Juvenil, Albano Salem dehan, liu husi ita nia lideransa nia mehi kosege ita relaiza.
Tuir Albano, Assosiasaun la iha osan, iha fuan brani ho modelu klandestina bolu malu hodi haruka sub-16 ba jogu iventu konsedera internaional CPLP ne’e, no TL hetan II lugar no sai hanesan ekipa diak liu hotu.
“Metan sira ita lulun tiha, maibe mutin mak ita sei dauk bele. Mais iha loron ruma ita sei sapu rata tiha deit,”Albano dehan ho hamnasa.
Kapitaun Jogador Sub-16, Jorge Vitor hateten mos katak, “ami hato’a obrigado barak tamb ami sira ne’e joga ho laran ho ami nia orasaun ami bele hetan rejultado diak,”.
“Delegasaun ne’ebe akompnaha ami mos diak tebes tebes no ami fo obrigado ba sekretarios estado tamba bele fo tau matan nafatin mai ami la hahaluha ami fo obrigadu barak,”dehan Kapitao Sub-16 ne’e.
Discussion about this post