Radio, online -Partido historiku FRETILIN liu husi nia diresaun tomak sub-distritu to’o nasional halo ona diskusaun durante loron rua prepara hanoin no proposta konaba kondisaun pozisaun ba Parlamentu Nasional ( PN ) hodi hato’o ba Prezidenti CNRT, Kay Rala Xanana Gusmao Ne’ebe atu forma V governu Konstitusional, rezultadu husi eleisaun parlamentar foin lalais ne’e.
Depois rona tiha opiniaun no vizaun husi kuadros politiku sub-distritu, nasional Partido histrorico FRETILIN hasai desijaun ida hodi hamosu proposta ida ba V governu konstitusional ne’ebe mak sei forma husi husi koligasaun partido CNRT PD Frente– Mudanca.
Hare ba ejijensia militante no kuadrus katak partido FRETILIN hakarak ka lakohi atu tama iha parlamentu Nasional ba tereseiru lesislatura maibe desijaun ne’e diresaun nasional sedauk bele foti desijaun maibe hamosu deit proposta no forma ekipa ida atu halo aproximasaun ho prezidenti Partido CNRT Kay Rala Xanana Gusmao
“Ita hamosu deit ekipa atu halo aprosimasaun ba prezidenti Partido CNRT Kay Rala Xanana Gusmao,” hateten prezidenti Partido FRETILIN Fransisco Guteres “Lu Olo” iha loron 21-7-2012 iha konfrensia salaun Joao Paulo II Comoro, Dili.
Lu-Olo husu ba militante rihun atus ida resin atu kontinua mantein ho hanoin diak atu kontribui ba estabilidade nune’e hakatk ba dalan dejenvolimentu
“Hau husu nafatin ba Militante tomak para hatudu nafatin ita nia mautoridade politika ne’ebe ita hatudu ona iha tinan 5 liu ba’ dehan lu olo
Ekipa aprosimasaun ne’ebe mak deskoite hato’o prposta ba Prezidenti CNRT mak oaisa atu hanoin ba estabilidade no moris diak povo nian atu simu mos partido FRETILIN iha V governos Konstitusional maibe husi aprosimasaun ne’e maka lideransa partido CNRT kontinua mantein ho konferensia nasional kuadru Partido CNRT ne’ebe deside ona iha sentru Konvensaun Dili semana kotuk hodi koliga ho partido PD no Frente-Mudansa.
Partido FRETILIN pronto atu sai nafatin opozisaun maibe lakohi atu apozisaun ne’ebe mak governu no estado esklui hanesan tinan 5 liu ba maske proposta leis barak ba interese povo nian maibe la pasa.
Lu-Olo hateten opozisaun ida agora atu kontribui mak partido sira ne’ebe mak forma Governu presiza kria kondisaun,
Depois de diresaun nasioanal ho kuadrus politico kontinua halo inkontru feixada iha reidensia farol konaba oinsa aprosimasaun ne’ebe mak sei hato’o ba aktual Xefe estado esxekutivu IV governasaun ne’e.
Iha intervista eskluxivu ne’ebe mak halo entre RTTL-EP ho Prezidenti CNRT Kay Rala Xanana Gusmao katak sei halo dialogo ho partido oinsa atu kria kondisaun konaba ejijensia opozisaun iha parlamentu nasional maibe proposta ne’ebe mak atu halo aproximasaun ho Xanana lideransa CCF sei hasoru mos sefe estado Taur Matan Ruak para hato’o ejijensia hirak ne’e.
Discussion about this post