Radio, online –Sosiedade sivil, Fundasaun Mahein (FM) durante ne’e halo monitorizasaun ba area seguransa no defeza, liu husi konferesia da emeprensa (20/7) husu ba Komando PNTL fo sai rezultadu ivestigasaun konaba kazu tiru mate Armindo Pereira husi oknum PNTL foin lalais iha Suku Hera.
Peskizador FM, Joao Almeida hatutan, presiza urjenti no lalais Komando PNTL relata va publiku konaba rezultadu investigasaun no rezultadu otopsia konaba kazu tiru mate Armindo Pereira.
“Ami rekomenda ba partido politiku sira atu tu’ur hamutuk hodi apela ba publiku relasiona ho konflitus ne’ebe akontese iha loron dia 15-16 Jullu 2012, nune’e publiku bele hatene informasaun konaba situasaun seguransa iha rai laran no update nafatin konaba segurasa atual hafoin ba pos konflitus iha semana liu ba atu nune la bele kria paniku,”Joao Almeida komenta.
Relasiona ho tiru mate Armindo Pereira FM ejizi ba instituisaun PNTL atu halo investigasaun lalais ba kazu involimentu membro PNTL ne’ebe tiru mate estudante Universitario Dili ( UNDIL ) ne’ebe to’o agora seidauk lolos ba informasaun.
Tuir FM katak to’o ohin loron instituisaun kompetensia ne’ebe halo kna’ar ba prosesu investigasaun. FM husu , to’o iha ne’ebe no suspeito sira ne’ebe tiru mate estudante UNDIL ne’e. FM haktuir, povu iha diretu atu tuir prosesu ne’e no iha diretu atu hetan infomasaun husi Komando PNTL.
Discussion about this post