Radio, online – Husi partido Politiku KOTA deskansa tamba lahetan asentu iha parlamentar liu husi eleisaun loron 7 Julho 2012 liu ba maibe aktual Prezidenti partido KOTA, Manuel Tilman assume kargu foun hanesan Sekretariu Jeral (sekjer) ba Assosiasaun Advogadu Timor-Leste (AATL).
Manuel Tilman hetete nia kontinua esforsu hodi hala’o servisu partidu nian maibe agora nia partidu mak asosiasaun Advogadu Timor-Leste (AATL) hodi defende direitu servisu advogadu sira nian.
“Se karik ha’u iha tempu seluk ha’u la fahe ho partidu seluk maibe fahe ho ha’u nia eskritoriu rasik hanesan Advogadu ‘ dehan ba jornalista 17/07), iha Bairo dos Grihos Dili.
Tilman dehan nia hola parte nudar advogadu iha Asosiasaun Advogadu Timor-Leste (AATL) desde tinan 2002 maibe tamba advogadu ho servisu parlamento nian mak nia nunka hakbesik a’an assososiasaun.
Planu ne’ebe nia prepara agora mak sei uja esperensia hanesan president ba komisaun Ekonomia Financas No Anti korupsaun hodi fo formasaun espesifika ba advogadu balun hodi sai hanesan konsultor juridiku ekonomiku Asesor juridiku ba Financas publicas no formasaun espesifiku ba anti korupsaun.
“Ohin loron atu defende deit balun iha tribunal mos susar, entaun ida ne’e mak ami sei fo formasaun,”Manuel Tilman akresenta.
Tilman promote nia sei lori mos projeitu balun ba asosiasaun no aitara ba balun hanesan sosiedade komersiais ne’ebe ohin loron kompania Unipessoal mak dumina tamba tuir lei sosiedade komersiais Unipessoal sira illegal hotu.
“Ami iha formasaun hodi hare leis hotu ne’ebe sai mai formasaun ne’e sei halo iha tinan ida ne’e duni,”dehan nia.
Manuel Tilman, depois TL hetan ukun-an fila husi Portugal iha 2000. Manuel Tilman sai Deputadu iha assembleia konstituisaun hodi halo Konstituisaun RDTL. Iha 2007, liu aliansa entre KOTA-PPT Manuel hetan nafatin Deputadu. Iha eleisaun 2012, liu husi aliansa KOTA-Trabalhista, aliansa ne’ebe labele hetan kadeira tamba la liu bareira 3%.
Discussion about this post