Radio, online – Partido Congreso Nasional Reconstrusaun Timorense (CNRT)hato’o sentimentu kondolensia ba matebian Armindo Pereira Alves,ne’ebe fila hikas ona ba aman maromak nia kadunan santo,segunda (16/7/2012).
Matebian husik hela familia,parentes no colega sira hotu,tanba hetan tiru iha suco hera,sub-distrito metinaro distrito Dili.
Secretario geral partido CNRT, Deonisio Babo lori partido CNRT nia naran hato’o kondolensia ba familia boot matebian Armindo Pereira alves nebe mate inosente.
“Nia (Armindo) la merese atu mate, nia mate inosente,”afirma Deonisio Babo ba JNDiario iha sede CNRT, bairo Formosa,Dili tersa(17/7).
Dionisio confesa katak CNRT arepende tebes ho hahalok violent nebe mak akontese iha Dili laran inklui distritu balun,foin lalais ne’e.
Dionisio apela ba militantes no simpatizantes CNRT hotu iha teritorio tomak atu mantein kalma ,hakribi asaun violensia,hakiak toleransia no nudar Timor oan tenke simu malu hodi hadok aan husi hahalok violensia.
CNRT nia pozisaun tuir Dionisio,sei colabora nafatin ho instituisaun seguransa hanesan polisia Nasional Timorense (PNTL)ho FALINTIL-FDTL atu gratia paz no estabilidade iha timor –leste hodi aselera desemvolvemento ba povu.
“CNRT rona no halo tuir apelo husi presidenti da republika Taur Matan ruak,atu mantein pas no estabilidade.CNRT Lamenta kuandu iha violensia ,”Dionisio Babo informa.
Nia reconhese katak, iha acontesemento anarkismo, foin lalais ne’e, CNRT mos hetan ameasa husi ema desonhesido, maibe fiar katak sei la akontese buat negativu ruma tanba lider politico iha Timor-Leste mesak maduru deit.
Dionesio Babo esplika liu tan katak declarasaun nebe mosu iha konfrensia CNRT liga ho partidu FRETILIN,ne’e hanesan espresaun individual tanba CNRT lakohi hatun dignidade partido sira seluk nian.
“oinsa mak dehan CNRT insulta partido seluk se banhira ita hare durante ne’e CNRT Mak sai vitima hela deit iha prosesu politika Timor nian ,maibe CNRT continua kalma no nunka halo asaun anarkismo ruma hasoru partido sira seluk ,”Dionisio sublinha hikas.
Seidauk kontakto PD Ho FRENTE-MUDANCA maske konfrensia nivel husi partido CNRT diside ona katak iha formasaun V governo konstituisional sei forma husi partido CNRT,PD No FRENTE-MUDANCA,maibe to’o oras ne’e dadaun CNRT seidauk halo komunikasaun politika ou aprosimasaun ho partido PD ho FRENTE-MUDANCA tanba sei hein desizaun final husi trigunal recurso.
“Hein desizaun TR, depois ami buka malu tur hamutuk,” Dionisio Babo hateten.
Discussion about this post