Radio, online – Familia matebain no militante Partido FRETILIN ejije oknum polisia ne’ebe tiru mate Armindo Pereira ba tribunal hodi responsabiliza ba hahalok krimi ne’e.
Porta Voz Abel Ximenes liu husi konferensia da empresa ne’ebe halao iha Hospital Guido Valadares (HNGV) Kuarta, (17/6) wainhira atu lori matebian Armindo ba hatoba iha nia hela fatin Becora.
Porta Voz ne’e dehan, nudar familia, militante no simpatizantes FRETILIN la konteti no kondena maka’as ba hahalok insulta no defamasaun ne’ebe ema balun husi kongresista CNRT foin lalais ne’e hodi hateten a’at Partido FRETILIN.
Oknum kongresita CNRT hirak ne’e mos nunka fo valor ba partido FRETILIN nia istoria no luta ukun rasik an iha rai luluk Timor-Leste ne’ebe povu TL hadomi no tane ba.
“Ami lamenta lia fuan dehan hakribi partido FRETILIN. Hodi haluha no tau ketak Partido FRETILIN hanesan buat ne’ebe la folin iha nasaun Republika ne’e nia laran,”Abel kestiona maka’as.
Abel hatutan, la kontenti desizaun kongresista CNRT sira ne’ebe hasai estetmentu la liu ba asaun nasional ne’ebe kaer metin estabilidade, paz, integridade no unidade nasional. Maibe hare liu ba emosaun ho sira nia pensamentu pasado, duke povo no nasaun nia interese.
Tuir Abel, aktus hira ne’e hatudu momos katak ema balun hakarak muda istoria libertasaun rai ne’e, liu husi kongresista balun iha CNRT hatudu momos katak ema nega tebes duni kontribusaun Partido FRETILIN nia ba libertasaun ho integridade.
“Ohin ami familia tomak husi saudozu Armindo no militantes FRETILIN, ami ejiji justisa ba membro PNTL ne’ebe halo krime hasoru joven inosenti ne’e,”Abel apela.
Familia no militantes FRETILIN iha Distritu 13, ejiji atu hasai komandante Geral PNTL, Longuinhos Monteiro no Komandante Distritu Dili, Pedro Belo tamba sira la profesional. Ejijensia ne’ebe mak hato’o la iha rezultadu familia ho militantes FRETILIN mak sei buka justisa.
Familia ho militantes sira deklara katak, laiha FRETILIN la iha FALINTIL, laiha FRETILIN laiha Veteranus, laiha FRETILIN laiha XANANA, laiha FRETILIN la iha Indpendensia. Semak mak hakribi FRETILIN ne’e hakribi ruin no ran iha Timor laran Tomak. Semak hakribi FRETELIN ne’e hakribi Nicolau lobato, Vicente Sahe, Antonino Carvarinho, Coni Santana, Mau hunu ne’ebe sei moris no sira seluk la temi.
“Ami kontra hahalok krimi husi oknum polisia hodi buka justisa no lia los, hodi lori lalais suspeitu ba tribubal hodi hatam iha prizaun,”dehan Abel.
Discussion about this post