Radio, online – Iha konvoi lori mate isin matebian militantes FRETILIN Armindo Pereira ne’ebe akompanha husi familia no militante FRETILIN husi Hospital Nasional Guido Valadares (HNGV). Sai husi HNGV iha tuku 15:20 otl.
Iha konvoi ne’e mosu asaun tuda malu, iha eskudara Polisia Becora. Husi asaun ne’e militantes FRETILIN ida heta-tan kanek iha nia oin. La hatene fatuk ne’e mai husi ne’ebe mak hakanek militantes ne’e.
Iha observasaun matebian lori to’o mai iha sinais trafiko nian iha ponte, ema balun tuda Polisia. Ho asaun ne’e halo matebian nia maun, hanesan mos membro Polisia ho farda lori tanis hodi hakilar hakalma tiha situasaun.
Iha eskuadra PNTL Becora nia oin, derepente ema balun tuda fali ba eskuadra Polisia no polisia ne’ebe halo seguransa konsege hakat ba kotuk. iha asidenti ne’e polisia polisia la halo reasaun hasoru. Kondisaun konsege kalma no hakmatek tamba hetan intervensaun maximu husi familia matebian.
Situasaun kontroladu, familia ho militantes FRETILIN mori matebian nia isin mate ba hatoba iha nia uma Becora, Mota Ibun.
Iha konvoi ne’e militantes sira lori spandu, ne’ebe hakarek ho lia fuan “ “saudozu Armindo mate tamba rezultadu kongresu CNRT”.
Iha spanduk ida seluk dehan “ Hasai Longuinhos Monteiro no Pedro Belo tamba laiha kapasiadade lidera PNTL. Ami sei buka justisa. Xanana oportunista.
Matebian Armindo mate iha Suku Hera ne’ebe hetan tiru husi oknum Polisia, Segunda, (16/7) tuku 07:05 otl. Matebian estudante UNDIL, Fakuldade relasaun Internasional, Semester III.
Discussion about this post