Radio, online – Membru UNPol ne’ebe lori kareta Prado, Land Cruizer ho sapa matrikula 00.06 ne’ebe soke sidadaun Timor oan ho motor. Iha asidente ne’e membru UNPol ne’e bandu jornalista radioliberdadedili.com atu halo kobertura.
Asidente ne’e mosu iha Merkadu Hali Laran Domingu, (15/7). Staff ONU ne’e lori kareta ne’e soke labarik nain rua ho motor revo ida no gerobak minarai.
Joventude ida naran Gil dehan jornalista tenki hakerek saida mak akontese iha nia oin. Hahalaok Polisia ONU nian ne’e atu taka nia frakeja, tamba media ne’e imparsial iha situasaun nebe deit.
“Imi jornalista laiha ema ida atu bandu jornalista sira, makse nia ema polisia rai laran nomos husi estranjeirus,”Gil komenta.
Vitima motor nain, Antonio da Silva Pinto husu ba Polisia ONU atu selu nia motor tamba nia motor para hela iha estrada ninin, Polisia ONU ne’e soke uluk motor mak soke fali labarik nain rua, tamba labarik nain rua ne’e hambrik besik motor. Labarik ida idade tinan lima ne’e hetan kanek iha nia liman no kotuk
“Polisia ONU ne’e soke tia, nia tun mai ho is tua tamba ne’e sidadaun Timor ona ida baku fali Polisia UN tamba nia soke labarik nain rua,”dehan Antonio.
Discussion about this post