Radio, online – Prezidenti Partido Demokratiku (PD), Fernando La Sama de Araujo, hamutuk ho kuadrus politiku desidi hodi halo koligasaun ho Partido Congresu Nasional Rekonstruksaun Timoreses (CNRT) hodi forma V governu konstitusional.
“Hau fo parabens ba militantes CNRT sira disidi hodi bolu PD ba hamutuk ho CNRT no Frente Mudansa halo koligasaun hodi forma V governu tinan lima ba oin,”dehan La Sama ba jornalista.
La Sama hatutan, see iha koferensia nasional CNRT nian ne’e mak disidi CNRT hamutuk ho FRETILIN, PD nafatin prontu sai opozisaun.
Aktual Prezidenti PN ne’e mos dehan, depois rona desizaun militantes CNRT nian, PD sei iha organizasaun hanesan CPN, ODM no JD simu ho haksolok ba desizaun koligasaun ho CNRT.
Tuir La Sama, PD hamutuk laiha duvidas atu implementa programa, Programa Estratejiku Dezenvolvimentu Nasional (PEDN).
“PD lao hamutuk ho CNRT forma governu AMP iha tempu difisil hodi produs plataforma PEDN, ne’ebe mak Parlamentu Nasional aprova ona ne’e,”La Sama komenta.
Liu husi koligasaun entre CNRT+PD no Frente-Mudansa sei hetan asentu iha Parlamentu Nasional 40 deputadus. FRETILIN hanesan opozisaun ho asentu iha Parlamentu Nasional 24 deputadus.
Discussion about this post