Radio, online – Rezultadu husi konferensia ne’ebe halao diskuasaun ho kuadrus Superior CNRT husi nasional to’o Distritu hodi disidi katak CNRT hili halo koligasaun hamutuk ho PD no Frente Mudansa hodi forma forma V governu Konstitusional. FRETILIN nafatin sai opozisaun durante tinan 10.
Diskusaun ho kuadrus Superior CNRT ne’e halao iha sede Convensau Centru Dili, Domingu, (15/7). Desizaun ne’e foti iha oras 7 nia laran. iha opsaun 3 mak Prezidenti CNRT fo ba kuadrus Superior CNRT husi nasional to’o Distritu. Opsaun tolu (3) mak hanesan CNRT sai opozisaun. Opsaun segundu forma governu Unidade Nasional no Governu grande inkluzaun ikus Opsaun forma governu entre CNRT+PD+Frente Mudansa no forma governu entre CNRT+FRETILIN.
Kuadrus politiku CNRT sira maioria hakarak deit halo koligasaun ho PD no Frente mudansa. Husi koligasaun ne’e iha Parlamentu Nasional hamutuk kadeira 40. Frentilin sai opozisaun ho kadeira iha PN 25.
Iha oportunidade ne’e kuadrus politiku aproveita tempu hodi insulta partido FRETILIN. Hodi dehan CNRT kuadu mosu lao atu halo koligasaun ho FRETILIN. CNRT moris tamba la hare povu hodi hamosu krizi. Ne’e duni CNRT moris hodi hadia povu nia moris.
“Ami rezeita total atu forma governu hamutuk ho FRETILIN. Ami lakoi ho FRETILIN tamba sira ema mesak arogante,”dehan Railos husi distritu Liquica.
Iha fatin hanesan mos Antonio Labadain husi Distritu Ermera dehan,”hau hakribi FRETILIN ne’e duni ami sei lakoi atu ba lori CNRT hamutuk ho FRETILIN.
Iha konkluzaun ikus liu, Xanana dehan desizaun los ona,”Parabens imi hodi hili ona partido ne’ebe ita atu ba hamutuk no fo fiar ba hau atu koalia ho partido rua ne’e,”dehan Xanana.
Discussion about this post