Radio, online – Eis Prezidenti PSD Mario Viegas Carrascalao dehan imposivel halao Koligasaun entre partidu CNRT no FRETILIN atu forma governo tanba partidu ididak nia prinsipiu rasik. Se CNRT ho FRETILIN halo duni koligasaun opozisaun iha PN la forte.
“Hanesan ema hotu hatene FRETILIN iha ninia prinsipiu rasik no CNRT mos hanesan no durante kampanha nia laran partidu bo’ot 2 ne’e mak sempre ataka malu liu husi ibun ba ibun ne’e tuir hau nia hare tidak munking sira nain 2 nia atu halo koligasaun tanba ne’e klaru katak CNRT sei halo koligasaun ho PD no Frenti Mudansa tanba sira la’o hamutuk durante tinan 5 nia laran ona , “ hateten Mario Carasscalao ba jornalista Segunda ( 09/7).
Nia mos hatutan partidu PD mos sei la halo koligasaun ho FRETILIN tanba kuandu PD ho FRETILIN hamutuk entaun hetan cadeira 33, CNRT ho Frenti Mudansa 32, ne’e perigozu tebes kuandu iha nain ida halai sai husi governo nia sei monu.
“PD kuandu halo koligasaun ho FRETILIN foin hetan kadeira 33 depois CNRT ho Frenti Mudansa tau hamutuk 32 ne’e perigozu tebes kuandu ema ida haksoit sai husi PD-FRETILIN entaun governo sei monu iha dalan klaran no ita sei vota fila fali hodi hili governo foun,” dehan Mario.
Arcanjo de Oliveira hanesan estudante UNTL, Fisipol hateten, fiar katak Frenti Mudansa sei la halo koligasaun ho FRETILIN tanba Frenti Mudansa mai husi FRETILIN ne’be nakfera.
“Frenti Mudansa sei la lao hamutuk ho FRETILIN , tanba Frenti Mudansa mai husi FRETILIN ne’ebe nakfera iha uluk tanba ne’e realidade ita hare katak Frenti Mudansa sei lao hamutuk ho CNRT no mos PD , tanba ne’e FRETILIN sei sai opozisaun nafatin, se FRETILIN lao hamutuk ho CNRT bele maibe konformi sira nia negosisaun ne’ebe imposivel,”hateten Arcanjo.
Iha fatin ketak tuir Vice Presidenti partidu sosialista (PST), Domingos Kaeresi Benditu Bere-Mau, hateten CNRT ho FRETILIN sei lao hamutuk tanba idak-idak iha nia prinsipiu maibe tuir nia se CNRT ho FRETILIN halo koligasaun PST ho nia apoio 100% .
Se hare ba ideologia iha ne’ebe mak skerda ho direta ne’e lao hamutuk se hare ba unidade Nasional entaun bele tanba ne’e husu ba FRETILIN ho CNRT atu tur hamutuk hodi foti desisaun hodi forma governo ida ne’ebe PST fo apoio 100% tanba tempu to’o ona atu hadia povu nia moris laos atu muda ema individu nia moris ou partidu , hateten Domingos .
Discussion about this post