Radio, online – Xefi suku Motael Cornelio de Araujo Lopes husu ba Xefi V governu konstitusional ne’ebe ukun iha tinan 2012-2017, iha kapasidades hodi fo atensuan maximu ba juventude sira atu nune’e bele partisipa ba prosesu dezenvolvimentu pais ne’e.
“Hau preupa los ba juventude sira iha Distritu susar tebes hetan servisu no formasaun diak husi governu. Ita hare joven sira iha Dili mak hetan hela deit formasaun no servisu, alende ne’e mos kampo servisu menus tebes,”dehan Cornelio ba radioliderdadedili online iha nia sed suku Motael, Farol, (9/7).
Xefi suku ba periodu dala rua ne’e mos ejiji ba governu foun atu fo atensaun ba estradas, infrastruturas no kontrola membru governu mak abuzu poder hodi hamosu KKN.
‘Ita nia osan iha, so ema atu jere ne’e mak ita tenki kontrola, se lae ema balun riku derepenti deit, tamba hetan pozisaun iha governasaun. Ne’e realidade mak akontese durante ne’e,”Cornelio lamenta.
Iha fatin hanesan Xefi juventude suku Motael, Mario de Jesus dehan, “ita espera katak ita nia governu foun ne’ebe mak mai, sei fo kapasitasaun ne’ebe mak diak ba ami joven sira no oinsa atu hadia povu hotu nia moris,”.
Mario hatutan, joven mak barak sai abandona hela, tamba kampo servisu susar teber. Ho razaun ne’e mak joven sira trata surat ba buka servisu iha Eropeia liliu ba nasaun Irlanda no Englatera. Maibe atu ba servisu iha neba ema sira osan iha ba maibe ba joven sira mak osan laiha sai dezempregu iha nia rain rasik.
Discussion about this post