Radio, online – Xefi Misaun Uniaun Europeia ba Observasaun Eleitoral (MOE UE), Fiona Hall ne’ebe mos Deputada Parlamentu Europeia liu husi konferensia da emprensa Segunda, (9/7) iha otel Timor dehan katak, sei apresenta Misaun Uniaun Europeia ba Observasaun Eleitoral apresia tebes ba povu Timor Leste ne’ebe halao eleisaun parlamentar lao hakmatek ho hametin demokrasia.
Hall hatutan, eleisaun foin lalais ne’e dia 7 de Jullu halao iha ambiente ne’ebe hakmatek no organiza no organiza ho maneira transparante no kredivel.
“Hau lori nasaun Uniaun Europeia tomak nia naran fo parabens ba sidadaun TL, partido politiku, administrasaun eleitoral, no ba forsa seguransa tamba prosesu eleitoral to’o oras ne’e lao ho diak no organizadu. Liu husi partisipasaun sivika ba iha sentru votasaun hatudu antuazismu ba prosesu demokratiku,”dehan Hall.
Hall mos kongratula ba Komisaun Nasional Eleisoens (CNE) no Servisu Tekniku Administrasaun Eleitoral (STAE) to’o oras ne’e halao sira nia knar ho imparsialidade no neutralidade. Maske implementasaun ba kalendariu eleisaun hetan atrazu balu, STAE nia servisu lao ho transparensia no efisensia. CNE konsege halo tuir ninia knar supervizaun ho independensia, maske CNE laiha poder ne’ebe sufsiente atu obriga partido politiku halo tuir regulamentu kampaina politiku.
Iha fatin hanesan Nuno Melo hanesan Xefi Delegasaun Parlamentu Europeia nian dehan katak, “Ami presiza fo valor ba komprimisu maka’as ne’ebe autoridade eleitoral sira foti atu garante katak, prosesu tomak lao ho imparsialidade, transparansia, moniztoriasaun no partisipasaun ema hotu,”.
Misaun Uniaun Europeia ba Observasaun Eleitoral mos halao observa katak, media iha TL iha intereses tebes hatur independente no fo balansu ba partido politiku sira wainhira halao kampaina eleitoral. Hahu husi partido bo’ot to’o ki’ik ho proporsionalidade hanesan.
“Fulan rua hafoin eleisaun, Misaun Uniaun Europeia ba Observasaun Eleitoral sei fo sai ba publiku relatoriu ikus nian ne’ebe klean konaba rekomendasaun ba TL ba eleisaun aban-bairua nain,’Hall remata.
Discussion about this post