Radio, online – Tuir informasaun fontes konfirmado fiar nian Segunda, (9/7), iha sede CNRT bairo Grilhos katak, Prezidenti CNRT Kay Rala Xanana Gusmao ho nia strutura hanoin iha semana ne’e nia laran atu forma V governu konstitusional liu husi dalan koligasaun.
“Partidu CNRT hanesan vensedor ba eleisaun parlamentar iha loron 7 Julho liu ba, sei foti desizaun atu forma governu liu husi Konferensia nasional ne’ebe sei hala’o iha semana ida ne’e nia laran,”dehan fontes ne’e. .
Antes ne’e iha dia 8 de Jullu, Prezidente Frenti Mudanca, Jose Luis Guterres iha kalan tuku 10.42 otl pm halo hela enkontro ho Prezidente CNRT, Xanana Gusmao iha sede CNRT iha Bairo Grilhos, Dili.
Iha data hanesan, iha meiudia mosu mos iha sede CNRT membru strutura PD nain rua hanesan Mariano Assanami Sabino no Adriano do Nacimento mos ba halo enkontro ho Xanana Gusmao.
Tuir fontes ne’e mos katak, iha tempu dader Xanana Gusmao simu telefone husi Mari Alkatiri, Sekretariu Jeral Fretilin.
Discussion about this post