Radio, online – Supervioziona Distritu Dili ba loron votasaun Komisaria CNE Angelita Sarmento lu husi nia obervasaun katak, iha loron votasaun Sabadu, (7/7) iha sentru votasaun Hati Kudus, Becora paradu oras ida tamba tamba buletin de votus buradu.
Komisaria CNE hatutan, buletin de votus buradu tamba mosu tinta-tinta pontu uitoan hodi sai buradu.
Ho Prezensa Superviziona Angelita hodi rezolve problemas ne’e. Depois hetan esplikasaun eleisaun kontinua lao to’o remata.
“Durante oras ida ema hotu-hotu la vota ona, sira impede tiha prosesu ne’e ate fiskais sira mos husu atu fo buletin ne’ebe mos. Maibe hau ba konfirma lolos katak, iha buletin walu deit mak buradu. Eleisaun hahu fila fali la impedementu,”dehan Angelita.
Tuir Angelita, prosesu eleisaun hahu tuir orariu iha tuku 07:00 otl, maioria sentru votasaun lao tuir orariu. Komesa iha tuku 06:30 otl brigada sira prepara kabina sira loke ona urnas hodi sura buletin de votus.
Sentru votasaun hanesan iha eskola primaria Sabaraka Laran, iha estasaun votasaun ida mak fornese ba prizaun, atu prizioneirus sira mos iha direitu tuir vota. Alenden ne’e mos ba ema moras sira mak baisa iha Hospital Nasional Guido Valadares (HNGV). Iha prizaun no hospital konsedera hanesan votasaun ambulante.
La hanesan eleisaun prezidensial ne’ebe mak familia sira hein ema moras laiha direitu atu vota, maibe iha eleisaun parlamentar familia sira hein moras mos iha direitu ba vota tamba antes ne’e haruka naran ba STAE hodi preve buletin de votus.
Discussion about this post