Radio, online – Prezidenti Conselu Nasional Rekonstruksaun Timorenses (CNRT) Kay Rala Xanana Gusmao depois tuir vota iha sentru votasaun Bidau, Lecidere Sabadu (7/7) oras 08:30 otl ba jornalista katak, CNRT konfiansa sei hetan kadeira 40 iha Parlamentu Nasional, signifika sei forma governu mesak.
Prezidenti CNRT ne’e ba iha sentru votasaun akompaina husi nia kaben Kisrty Gusmao ho nia oan nain tolu (3). Xanana mos apela ba povu tomak kaer metin paz no stabilidade.
“Hau senti katak partidu hotu-hotu hau hanoin sira bele manan, entaun hetan kadeira ruma. Ami nia partidu servisu husi kongresu iha Janeiru tinan ida ne’e atu halo konferensia koalia konaba preparasaun ba elisaun tuir hau nia fulan ida halao timor tomak estruktura partidu lao diak tebes e servisu makas no hau mos agradese apoiu husi organizasaun oin-oin.ne’ebe la sai husi sira nia partidu mais fo apoiu ba programa CNRT nian,”dehan Xanana.
“Hau labele dehan maromak mak bele hatene maibe hau bele informa deit katak iha konferensia CNRT iha Janeiru 2012 ami sukat tuir ami nia kbi’it no sukat tuir asosiasaun ne’ebe mak ami nia struktura halo e ami hanoin katak no momentu ida neba kedas ami buka to’o 45,”Xanana komenta.
Iha biban ne’e, Xanana fo apela foun ba povu katak, keta rona isu oin-oin, isu sira ne’ebe lansa husi golongan-golongan anti demokrasia.
“Iha demokrasia nia laran ita respeita ita fo fiar uituan ba ita estadu, hau hatene katak iha fulan ida ne’e nia laran povu tomak ladun akompaia saida mak STAE no CNE e siguransa tomak halao no sira enkontru hamutuk ho Prezidenti da Republika fo hatene hotu konaba mekanismu hotu ne’ebe sira halo.
Xanana husu lalika hakfodak ho isu-isu. Iha kontazen de votus ema balun atu sunu estasaun de votus Nasaun TL agora naran sai bo’ot povu labele halo foer fali. Xanana nafatin husu, povu hotu kalma iha Distritu ninian mos respeitu malu ba hametin kultura toleransia no kultura dame ho domin.
Jornalista husu konaba koligasaun, tamba iha eleisaun ne’e partido ida sei la manan maioria. Prezidenti CNRT ne’e dehan “Hau labele responde ida ne’e so orsida kalan karik mak ita hotu hare ona,ami iha partidu sistema no mekanismu ami sei husu tuir ba fiskais hare tuir kontazen de votus ami fiar katak sei manan maioria.”.
Discussion about this post