Radio, online – Iha eleisaun Parlamentar tinan ne’e povu senti sira nia votus la segredu tamba kabina de votus muda nia oin hateke fali ba fiskai no observador nomos poling staff sira.
Jose Cardoso nudar votantes nia senti eleisaun parlamentar no eleisaun prezidensial iha defrenti tamba iha eleisaun prezidensial kabina de votus subar e iha eleisaun parlamentar kabina de votus hatudu momos ba ema hotu atu hare wainhira atu halo vota.
“Hau senti hau nia votus la segredu tamba kabina de votus ema barak mak hare tuir lolos ita nia votus ne’e segredu ema ida-idak ninian ”dehan Jose iha sentru votasaun SD Aimutin.
Iha parte seluk Partidu PSD Maria Paixao afirma katak hare ba kabina de votus partidu balun sira bele la simu rejultadu votus nebe iha tamba eleisaun ne’e lao kontra lei nomos konstituisaun tamba la iha segredu votu ba ema ididak ninian.
“Kabina de votus nunka nia oin fila mai iha fiskais sira e fiskais sira bele inflonsia votu hodi hatete dehan vota ba partidu ida e vota ba partidu ida neba,hau hanoin ami nia partidu PSD iha ona fiskais ida protesta ona iha ne’e e hau mos telfone ona ba Director STAE tamba la iha lei ida dehan kabina de votus tenke fila mai publiku e iha lei dehan katak votu ne’e tenke segredu,”Paixao akresenta
Nia afirma liu tan katak nia senti hakfodak wainhira ba vota hare kabina de votus ne’e fila fali mai iha publiku no ema sira nebe hein urna hamrik hodi hateke ema ne’e vota partidu saida,liu husi ida ne’e bele mosu odimalu no bele identifika ema ne’e partidu ida ne’e no partidu ida neba.
Jose de Carvalho nudar prezidenti de votasaun iha SD Aimutin esplika katak hare ba kabina de votus nebe fila ba publiku,ida ne’e sira simu orientasaun husi dirasaun STAE no laos iha SD aimutin deit maibe iha sentru de votasaun hotu-hotu.
Discussion about this post