Radio,online – Maske CNE No STAE fo sai ba publicu katak kualker sidadaun ida ba vota la be lori armas maibe tuir observasaun jonalista radio liberdade ne’ebe halo kobertura iha sede Suco Bidaun, Lecidere iha lororn 7-6-2012 PNTL sira lori Armas hanesan pistola ba tuir votasaun.
Hatan ba kestaun ne’e Komisairu PNTL, Longuinhos Monteiru informa ba jonalista ba radio liberdade dehan, sira lori funsaun ida espesial hansean eskoltu la hanesan polisia bain bain tamba ne’e mak sira lori pistola.
“Kontra lei, hau hanoin la iha. Tamba primeru tenke komprede ami nia knar lai kuandu buat ruma mosu dehan ami Polisia mak sala fali,” Long esplika.
Antes ne’e liu husi intervista esklusivu iha TVTL Komandante Operasional Armando Monteiro dehan, iha sentru votasau membru PNTL sei la autoriza uza armas hanesan kilat bo’ot nomos pistola.
“Ita labele lori armas ba iha fatin votasaun hodi hatudu ba mundu Internasional katak, TL iha liberdade no demokrasia duni,”Armando komenta.
Discussion about this post