Radio, online – Prezidenti Conselho Nasional Juventude Timor Leste (CNJTL) Leovegildo Hornai dehan katak, rezultadu husi eleisaun parlamentar, partido ne’ebe mak manan ba tur iha PN hodi forma V governu konstitusional hanesan juventude mak manan.
“Hau husu ba juventude sira iha partido laran la bele halo violensia hodi simu realidade rezultadu, tamba partido ne’ebe mak manan vitoria ba juventude,”dehan Leovegildo.
Prezidenti CNJTL ne’e hatitan, partido ne’ebe mak lakon tamba sira nia lideransa mak la los. Tamba ne’e husu ba partido hothotu husu ba joven hotu hotu atu simu rezultado eleisaun ho responsabilidade no dignidade.
“Hau husu ba joven la bele sunu uma, la bele estraga ema nia sasan, la bele halo buat a’at iha rai timor ida ne’e. Ita bele garantia katak ita iha tinan lima ne’e ita bele hadia povo nia moris.”dehan ho esperansa.
Hanesan mos oberservador Nasional, husu ba partido ne’ebe mak forma V governu konstitusional bele hadi rai ida ne’e ba diak. Juventude la iha dufidas ba eleisaun parlamentar ne’e.
“Ita fiar katak, ita nia joven sira sei hakribi ba violensia, tamba moris iha violensia futuru sei laiha,’nia komenta.
Discussion about this post