Radio, online – Membru PNTL Distritu Bobonaro nain rua mate tamba hetan asidente kereta taka fila iha suku Lahomea, Sub-Distritu Maliana, Distritu Bobonaro.
Informasaun ne’e jornalista radioliderdadedili online kontaktu kontaktu direita ba Komandante Squadra Sub-Distritu Bobonaro, Agustino Viera Amaral Domingu (8/7).
Asidente mosu tamba lori material sensitivus eleisaun parlamentar fila husi Sub-distritu Lolotoe mai Maliana. Kareta taka fila ne’e iha tuku 09:15 otl.
Iha kareta laran iha ema nain 7 mak akompaina, mosu asidente ne’e nain 5 kanek todan, inklui feto ida. Membru PNTL nain 2 mate iha fatin. Membru nain 2 nee mak naran Argenio no Joao dos Reis.
“Mate tau hela iha Hospital referal Maliana, agora dadaun atu lori mate isin Argenio ba Sub-Distrito Bobonaro no Joao dos Reis lori ba Sub-Distritu Lolotoe hodi halao serimonia funeral,”dehan Komandante Squdra Sub-Distritu Bobonaro.
Discussion about this post