Radio, online – Amu Bispo Diosece Dili Dom Alberto Ricardo iha loron votasaun iha sentru votasaun Bidau, Lecidere husu ba governmu foun mai ne’ebe sei forma husi partido ne’ebe mak manan atu hadomi povu hanesan igreija nia sarani.
Amo Bispo Diosece ne’e hatutan, nivel Internasional apresiasaun eleisaun ne’ebe TL halao dadaun. Hahu husi eleisaun prezidensial mao to’o eleisaun parlamentar ne’ebe lao ho demokrasia dignidade no respeitu.
“Hau koalia ho ema estranjeiru sira mai husi Portugal, Espanha, Kambodia ne’ebe mai halo observasaun katak Timor jia eleisaun lao kapas tebes maske lider sira iha diferensia ideias maibe unidu ba dezenvolve ba povu ho nasaun iha futuru,”Amo Bispo akresenta.
Amo Bispo husu ba povu tomak atu fo apoiu ba governu foun forma husi partido ne’ebe deit. Ba oin Amo Bispo husu ba governu foun prioridades mak atu halao hanesan dezenvolimentu konaba edukasaun, saude, estradas, agrikultoris no sira seluk.
“Fo liman ba malu ne’e ita bele ita iha esperansa bo’tt tebes ba futuru sei diak liutan,”Amo Bispo apela.
Discussion about this post