Radio, online – Sekertairu Geral partido historiku Frente Revolusionairu Independente Timor Leste FRETILIN Mari Amude Bin Alkatiri depois tuir vota iha sentru votasaun SD Farol, Dili Sabadu (7/7) dehan katak, wainhira rezultadu povu fo fiar ba FRETILIN manan absuluta partido FRETILIN sei la ukun mesak.
“Maske ami FRETILIN manan maioria absulta sei la ukun mesak. Ne’e mak hau hatete ona, sei buka ema ke iha matenek tau hamutuk para lori nasuan ho povu ne’e lao ba oin. Laos ita lao ba fali kotuk,”dehan Alkatiri ba jornalista.
Alkatiri to’o iha sentru votasaun tuku 07:45 otl. Alkatiri hatutan, FRETILIN atu manan maioria simples, maioria absulta no maoiria kualifikadu sempre forma governu. .
Alkatiri mos husu ba partido sira katak, see mak tama iha prosesu demokratiku sempre prontu simu realidade ba rezultadu saida deit mak mosu liu husi julgamentu povu nian husi eleisaun ne’e. Maibe realidade tenki tuir lei, regras laos realidade naok falo votus, ne’e la bele.
“FRETILIN prontu halo koligasaun, tamba durante kampaina eleitoral perkore iha teritoriu tomak katak FRETILIN prontu halo koligasaun. FRETILIN konfiansa total hodi manan ba eleisaun Parlamentar ne’e,”Alkatiri komenta
Alktiri mos kontenti mos tamba durante kampaina ne’e lao diak, adezaun ba FRETILIN nomos povu rasik. Povu rasik konpriende ba paz no estabilidade. Ne’e mak FRETILIN kontenti liu.
Tuir Alkatiri durante kampaina no iha loron votasaun seguransa diak, povu kompriede ona. tamba partido hhotu-hotu iha kampaina hametin ba paz no estabilidade. Maibe FRETILIN mak hatudu dalan diak liu ba partido hotu-hotu.
Iha biban ne’e, Alkatiri fo mensajem ba povu tomak atu sai husi uma ba vota. Se mak iha direitu ba vota labele iha uma. 100% eleitores ba vota ne’e diak liutan ba prosesu demokratiku iha nasaun ne’e.
Iha fatin hanesan, hanesan eleitores, Madre Filomena husi kongresaun Sao Carlos Boromeu dehan, nudar sidadaun katak iha obrigasaun tuir prosesu demokrasia hodi nai ulun sira ba tur iha Parlamentu Nasional.
Liu husi ne’e sei forma governu hodi hare ba povu nia moris ne’ebe sei iha kiak nia laran, alende ne’e mos halao dezenvolvimentu iha pais ne’e.
Madre ne’e mos kontenti tamba tuir eleisaun ho hakmatek no ema ididak halo votasaun tuir nia hakarak. Espera katak buat hotu-hotu sei lao diak.
“Hau nia esperansa ba partido ne’ebe manan iha eleisaun parlamentar, sei fo diak ba povu no valoriza ema hotu-hotu nia moris. Laos ba grupo ida deit, maibe fo atensaun povu nia futuru diak liutan,”dehan Filomena.
Discussion about this post