Radio, online – Prezidenti da Republika (PR) Taur Matan Ruak depois fo nia direitu hodi ba vota iha sentru votasaun Metiaut, Sabadu (7/7) dehan katak, partido ne’ebe mak manan hodi forma V governu konstitusional Prezidenti da Republika prontu kopera hodi hadia povu nia moris.
Tuir Taur katak, V governu konstituisional ne’ebe Prezidenti da Republika hein maka governu ida ne’ebe iha kredibilidade no la lakon tempu atu hodi kombate pobreza no hametin seguransa demokrasia iha TL. Ida ne’e mak prezidenti hein.
Ba partido ida ne’ebe manan hodi forma governu, Prezidenti da Republika prontu atu kopera. TMR hein V governu iha kredibilidade no presta servisu diak liu ba povu ho nasaun ne’e.
PR Taur mos espera katak, modelu governu ne’ebe atu forma wainhira sei la ses husi pais demokratiku sira adopta no aseita hanesan regra sidadaun sira hotu tenki simu.
Ba PR Taur partido ne’ebe mak manan sei buka rezolve povu nia moris. Ne’ebe ba PR Taur sei koopera ho partido ne’ebe mak forma governu tuir regras paiz demokratiku.
TMR fo agradese ba povu tomak ne’ebe tuir kampaina parlamentar foin dadauk ho sivismu no laran tomak ho sira nia partisipasaun atu bele haburas demokrasia.
TMR la haluha fo parabens ba partidu politikus sira ne’ebe kompete iha eleisaun parlamentar ida ne’e dignidade.
“Ohin loron ne’ebe povu tomak vota, vota tuir sira nia konsensia. Tuir sira nia vontade atu ejersisiuu sira nia direitu ba hili partidu ida ne’ebe deit atu ukun ita nia rai iha tinan lima mai oin,” TMR akresenta.
PR Taur mos dehan, povu agora dadaun hein matoridade partidu politikus sira, liu-liu lider politikus sira nian ita nia tempu la iha hanesan uluk. Tempu agora la iha para lakon, tempu agora para hamutuk, tempu agora para hatudu ba mundu no povu Timor hakarak lori nasaun ba oin hodi kombate kiak no mukit.
Komesa orsida kalan no aban ita hatene prosesu ne lao oinsa partidu ne’ebe deit mak manan, ita povu Timor mak manan. Prosesu demokrasia Timor nian mak manan, ita hotu fo liman ba malu servisu hamutuk. Partidu ida ne’ebe mak manan para lori nasaun ne’e ba oin hodi fo dignidade Timor oan sira nian.
Eleisaun parlamentar ida ne ita hotu determinadu atu hakat liu formasaun governu foun, V governu konstitusional ne’ebe ita hotu perparadu para ita simu iha semana hira mai.
Partidu ne’ebe deit manan konta apoiu ho Prezidenti da Republika nian, Prezidenti mai ho misaun ida determinadu los, atu fila Timor lorosae sai fatin ne’ebe diak ba Timor oan hotu-hotu, hadau nia moris ho dignidade ne’ebe nia merese tamba ho nia terus ne’ebe nia fo ba ninia nasaun iha pasadu.
Discussion about this post