Radio, online – Sosiedade Sivil Internasional husi Estadu Unidas da America (EUA), Search For Common Ground (SFCG) durante loron rua halo feflesaun ba luta foin sae nian antes no hafoin Independensia. Refleksaun serial ne’e halao iha sub-distritu Maubisse, Distritu Ainaro. Aktividades ne’e mos hodi selebra partisipasaun foin sae iha demokrasia.
SFCG nudar organijasaun internasional non profit ne’ebe promove rejolusaun konflitu no dame, halao serial forum foin sae rejional iha Sub-Distritu Maubisse, Distritu Ainaro durante loron rua hahu loron 18 ate loron 19 fulan Junhu 2012.
Objetivu halibur foin sae sira kuaje ema nain 40 liu ho idade entre 17 ate 29 ne’ebe mai husi grupu no komunidade oi oin ingklui Partidu Politiku, Grupu arte marsiais, organijasaun foin sae no grupu relijioju sira hodi halo reflesaun ba luta foin sae nia antes, durante no hafoin independensia, deskute mos asuntu relevante ba sira iha faje hasoru eleisaun parlamentar ne’ebe besik dadauk, nune’e mos halo dialogu aberta ho orgaun eleitoral sira hanesan CNE, Sosiedade Sivil no Autoridade lokal sira.
Country Director SFCG, Francisco de Sousa hateten iha salaun Parokia Maubisse katak “Forum Foin Sae Regional Timor Leste, laos realiza deit iha Maubisse maibe realija ona iha Distritu Ermera, hodi akomula foin sae sira husi Distritu Ermera, Bobonaro, Liquisa no Dili, no dadauk halao iha Sub-Distritu Maubisse, Distritu Ainaro hodi akumula foin sae sira husi distritu Suai, Same, Ainaro no Aileu, e sei realija tan Forum rua iha Oecusse no Iha Baucau“.
Iha sesaun palestra, Manuela Leong, Komisaria CNE, haktuir kona ba saida mak sai nudar lisaun ba CNE no dejafiu ba oin atu halao eleisaun ho dame, no iha parte seluk, Mena Reis nudar Winner of N-Peace Award 2011 halo reflesaun hamutuk ho juventude sira kona ba juventude nia papel iha hari nasaun no demokrasia iha Timor Leste.
Dulce Xavier, partisipantes husi distritu Same, senti laran sholok tebes tamba bele ganha esperensia foun husi Forum ne’e liu liu kona ba asuntu eleisaun parlamentar no papel foin sae nian iha hari nasaun.
Serial forum foin sae rejional iha Maubise ne’e hetan suporta husi USAID, CNJTL, BELUN, Arte Moris, Forum Tau Matan no TLMDC.
Discussion about this post