Radio, online – Prezidenti Comisaun Nasional Eleitoral (CNE), Faustino Cardoso Kuarta (20/6) iha Sentru Konvesaun Dili hateten, Universidade Nacional Timor Lorosae (UNTL) sei sai observador iha prosesu eleitoral tanba UNTL nudar komponente xavi ida husi sosiedade politika Timor Leste.
“Seminariu ne’e organiza husi Komisaun Nasional ba Eleisaun no Universidade Nasional Timor Lorosa’e ne’ebe partisipa husi Estudante Universitariu no Vice sira nomos Fakuldade Hitu (7) UNTL nomos partidu politiku no koaligasaun partidaria sira ne’ebe nudar jogador prinsipal” informa Prezidente CNE.
Iha fatin hanesan Diretor STAE, Thomas Cabral entrega mos kamizola obervasaun ba UNTL wainhira partisipa iha seminariu kona ba sistema eleisaun jeral.
“Kamizola ida ne’e oferese ba UNTL liu husi fakuldade hitu para sira uza hodi sai observador iha prosesu eleitoral” Tuir Director.
Nia haktuir katak iha kamizola hamutuk 200 entrega ba UNTL, tanba estudante UNTL mos iha papel importante hodi sai observador iha eleisaun parlamentar mai ne’e’, iha dia 7 de Julhu 2012.
Discussion about this post