Radio, online – Prezidenti Comisaun Nacional da Eleisoens (CNE), Faustino Cardoso husu ba partido politiku (parpol) wainhira iha mudansa tempu no oras kampaina ninian tenki fo informasaun ba CNE atu nune’e bele iha kordenasaun diak ho parpol sira seluk ba fatin ne’ebe hanesan.
Informasaun ne’e Prezidenti CNE fo sai liu husi sorumutu ho reprezentante parpol, PNTL no media foin lalais ne’e, iha sede CNE Balide-Dili.
Prezidenti CNE hatutan, CNE mos identifika kestaun negativu balun ne’ebe durante parpol sira hala’o durante kampaina iha Distritu. Dala barak ona parpol sira viola sira nia kalendariu rasik i la fo informasaun ba CNE hodi intende. Alende ne’e mos durante halo kampaina lider balun uza linguazen provoka violensia, halo mudansa ba no estraga materiais kampaina maibe la la hamosu violensia.
Tamba durante ne’e la mosu violensia ne’ebe grave, CNE dezenzu ba parpol sira katak, atividade kampaina tuir mai la’o ho hakmetek hanesan agora, nune’e kampaina eleitoral la’o ho susesu no diak to’o nia rohan.
Iha kazu balun hosi parpol ne’ebe CNE konsege identifika mak ho kazu sanulu resin rua (12) no involve partidu ne’en mak CNE observa, no persentajen aas mai hosi CNRT 41.7%, PD 25%, PDC 8.3%, PUN 8.3%, PSD 8.3%, PDN 8.3%
Faustino realsa, ho mudansa orariu husi parpol fo impaktu mudansa ba CNE, PNTL, no Media hodi halo kobertura.
Discussion about this post