Radio, online – Hospital Nasional Guido Valadares (HNGV) komemora loron mundial duasaun ran dala VIII . Liu husi komemorasaun ne’e hetan hasai ran voluntariu husi membru PNTL no F-FDTL.
Administrador HNGV Rui Manuel Gago Exposto ba jornalista Kinta, (14/6), dehan, husi selebrasaun banku de sangue ho objentivu buka atu fahe informasaun ba komunidade konaba oinsa atu fo ran no oinsa buka atu rekruta duasaun ran volontariu.
Liu duasaun subtituisaun ne’ebe mak durante ne’e sira fo deit ran ba sira nia familia ne’e duni liu husi selebrasaun ida ne’e espera katak enkorazen volotariu bele mai hasai ran, maibe laos voluntairu.
Administrador HNVG hatutan, durante ne’e, duasaun ran voluntariu barak mai husi ema rai liur hanesan GNR, Polisia Malazya, tropas militar husi Australia, membru husi F-FDTL, PNTL nomos komunidade sira seluk.
“Maske durante ne’e bancu de sangue hetan difikuldade barak maibe sira iha espransa ida ba oin no prontu atu fo atendimentu ida ne’ebe diak,” dehan Exposto.
Inspektor Geral Ministeriu Saude Antonio Caleres Junior husu agradese ba GNR Portugal sira ne’ebe durante ne’e fo ona ran ba ema Timor.
“Fo ran ne’e buat sentimentu ida ne’ebe, ita dala ruma kolia so ema laran luak,ema laran midar,ema moris ho domin mak iha sentimentu atu fo ran ita hatete lolos hanesan ne’e”Antonio akresenta
Iha parte seluk Youngky Kawengia ne’ebe durante ne’e fo ona nia ran hodi ajuda ema Timor oan nia afirma katak nia iha intensaun ida deit husi ita nia ran mak bele ajuda ema sira ne’ebe presija ran no durante ne’e nia fo na nia ran ba Bancu de sangue hamutuk 102 e Youngky senti kontente wainhira ran ne’e nia fo hodi bele ajuda fali ema seluk.
Liu husi seremonia ne’e husi parte ne’ebe durante ne’e servisu iha bancu de sangue fahe premiu ba ema sira ne’ebe fo ona sira nia ran gratuita ba bancu de sangue e wainhira seremonia ne’e hotu F-FDTL,Komunidade no seluk-seluktan sira hakat ba aula banku de sangue hodi fo ran.
Discussion about this post