Radio, online – Martino Pereira, Dekanu Faspol iha Fakuldade Siensia Sosiais, UNTL, quarta feira (13/06), hateten Timor-leste, iha ona matoridade politiku ne’ebe a’as ne’ebe hatudu iha kampaina eleitoral ba publiku.
“Durante ne’e, ami hare’e ba partidos politkos sira, sempre soe sira nia mehi ba kampana eleitoral ka sira nia ideias ne’ebe mak a’as ba publiko atu nune’e publiku sira bele apoiu, hodi hili sira atu ukun didiak ita nia nasaun,” dehan Martinho.
Alende ne’e mos Dekanu ne’e haktuir katak, “partidos politikus sira mos hato’o sira nia espressaun ka sira nia ideias, ba nia programas, ba iha simpatijantes no militantes hodi nune’e simpatijantes bele tuir, Maibe dala ruma ida ne’e hanesan implementasaun teorikamente hodi nune’e publiku bele involve iha partidu politiku maibe implementasaun pratika ba sira laiha so kompromissu deit”.
Dekanu lamenta katak, ema duvidas barak, TL ne’e sosiedade ida ne’ebe ke fasil atu hamonu nia konflitu, maibe na realidade timor-leste mos iha konfiansa ne’ebe mak maka’as tebes hodi hili tuir sira nia fiar.
Iha parte seluk, Laurentino Afonsu ho Pedrito Mendes, nu’udar estudante universidade, departamento faspol, UNTL, hateten katak “partidos politikos sira labele halo promessa barak maibe tenki fokus ba programa saida mak sira sei halo, lalika dehan desenvolvintu hodi hamonu publiku, atu publiku sira bele monu ba sira nia gaiola”.
Sira hatutan katak “partidos politikos sira labele insulta malu wainhira halao kampana iha kada distrito”.
Discussion about this post