Radio, online –Deputy Luta Hamutuk (LH), Joaozito Viana hateten, agora dadaun preukupasaun bo’ot liu mak TL esforsu atu tama ba ASEAN. Tamba ne’e LH husu ba governu atu hare’e lai ba dezenvolvemento iha nasaun laran wainuira atu adere ba ASEAN.
Tuir Deputy LH ne’e, agora dadaun sai prejupasuan bo’ot liu mak oinsa, estadu TL hare didiak lai dezenvolvimentu rai laran. LH husu tau atensaun liu lai ba insfrastuturas, rekurusu humanus, dezastre naturais no estrada.
“Diak liu ita keta ansi atu tama ASEAN, see wainhira ita seidauk prepara-an halo didiak hodi ba kompetisaun ho nasaun sira iha ASEAN nia laran,”Joazito komenta.
Tuir LH, iha gestaun ekonomiko tenki ser entregado. Timor- Leste bele nakloke a’an ba ASEAN hodi nune’e atu halo koperasaun negosio hamutuk entre nasaun ASEAN sira seluk no mos bele hametin diak liu tan relasaun negosio entre Timor-leste ho nasaun ne’ebe maka inklui iha ASEAN.
“LH siira mos preukupa liu ba nasaun Timor-leste tama ba ASEAN sei hamosu/ inpaktu entre halo negosio ho nasaun sira ne’ebe iha parte ASEAN ne’ebe inporta sasa’an tama mai iha Nasaun Timor-leste, bele mos halo sasan ne’ebe produs rasik lha ita nia rai laran la folin iha merkado nasional/internasional.
Iha sorin seluk estudante UNTL hosi fakuldade ekonomi gestaun ciensia ekonomi estudu dezemvolvementu, Miguel Salsinha dehan, sente preukupadu ba nasaun Timor-leste atu tama ba ASEAN tamba Timor-leste seidauk bele halo dezemvolvementu ne’ebe diak ba iha insfrastuturas hanesan,povo ne’ebe agrikultur sira nia produtu ladun lao ho valor ne’ebe maka hanesan merkado internasional.
Miguel mos hatutan tan katak, ita bele tama ba nasaun ASEAN hodi bele halo relasaun negosio entre Timor-leste ho nasaun ASEAN sira seluk bele inporta sasa’an hosi estranzeiros mai Timor-leste atu halo relasaun diak liu tan iha sector hot-hotu.
Miguel mos hateten tan mos katak, wainhira Timor-leste tama ona ASEAN bele mos fo inpaktu ba ita nia vendedores ne’ebe maka iha mini merkado,tanba dala ruma sasa’an internasional maka ho nia preso ne’ebe maka a’as , bele fo impaktu bo’ot mai iha ita nia vendedores ne’ebe maka ho preso maka minim liu no bele fo inpaktu ba seitor hot-hotu.
Discussion about this post